Albistea entzun

Kataluniako murgiltzearen auziko helegiteak baztertu dituzte epaileek

Hezkuntza kontseilariari agindu diote bermatzeko irakastorduen %25 gazteleraz izango direla
Kataluniako murgiltze ereduaren aldeko manifestazio bat, apirilaren 2an, Bartzelonan.
Kataluniako murgiltze ereduaren aldeko manifestazio bat, apirilaren 2an, Bartzelonan. QUIQUE GARCIA / EFE Tamaina handiagoan ikusi

Zuriñe Iglesias Sarasola -

2022ko ekainak 23

Kataluniako Justizia Auzitegi Nagusiak baztertu egin zituen atzo Generalitateak Kataluniako murgiltze ereduaren auzian aurkeztu zituen azken bi errekurtsoak. Helegite horien bitartez, Kataluniako Gobernuak indargabetu egin nahi zuen auzitegiak hezkuntza sistemaren eredu linguistikoa moldatzeko egin dion eskaera: neurriak har ditzala ikastorduen gutxienez %25 gazteleraz izan daitezen. Auzitegiak 2020an eman zuen sententzia bat betearazteko galdegin zion horrela, eta hamabost eguneko epea ezarri zion horretarako, maiatzaren 9an. Generalitatearen helegiteak baztertuta, berretsi egin du eske hori.

Kataluniako Gobernuak errekurtsoan aurkeztutakoaren kontra, auzitegiak adierazi du hezkuntza sisteman ikastorduen gutxienez %25 gazteleraz ematera derrigortzeak ez dituela ikasleen eta irakasleen eskubideak urratzen, eta auzitegiak baduela ehuneko hori ezartzeko eskumena.

Finean, magistratuen ebazpenak Cambray kontseilariari agintzen dio 2020ko sententzia betetzeko: «Hezkuntza kontseilariak irakasleen arloko jarraibideak, ebazpenak eta zirkularrak eman behar ditu, gutxienez oinarrizko ikasgaietan eskola orduen %25 gazteleraz izan daitezen».

Beste helegiteari dagokionez, epaileek ebatzi dute ez dagoela arrazoirik Omniumi, Plataforma Per La Llenguari (Hizkuntzaren Aldeko Plataforma) eta hezkuntza arloko beste sindikatu batzuei auzian pertsonatzeko eskubidea onartzeko. Epaileen iritziz, elkarte horiek ezin dira auzian kaltetutako gisa onartu.

Ebazpenak bost epaileetako biren boto partikularrak izan ditu.

Generalitatearen dekretua

Kataluniako Justizia Auzitegi Nagusiak Generalitatearen helegiteak aztertu bitartean, gobernua prestatzen aritu da 2020ko sententzia betetzea eragozteko. Besteak beste, dekretu bat onartu du, eta han jaso du hezkuntza sisteman ezin direla ezarri hizkuntzen irakaskuntzarako zenbakizko «parametroak, proportzioak eta ehunekoak». Hala, Generalitatearen helburua da Kataluniako Auzitegi Nagusiaren sententzia betetzea legez ezinezko bihurtzea.

Bestalde, dekretuak argi uzten du ikastetxe bakoitzeko hizkuntza proiektuen erabakiak hartzeko azken ardura, azken batean, Hezkuntza Kontseilaritzarena dela. Dekretua ezohiko batzorde exekutibo batean onartu zuten, maiatzaren 30ean, eta hurrengo astean aurkeztuko du Generalitateak, Kataluniako Parlamentuan.

Alderdi politikoek, berriz, adostasun zabala lortu zuten katalanaren lege berri baten inguruan. Parlamentuak ekainaren 8an onartu zuen, ERCren, Junts Per Catalunyaren, PSCren eta Catalunya en Comu-Podemen babesarekin. Legeak jasotzen du katalana transmisiozko hizkuntza dela Kataluniako hezkuntza sisteman, eta gaztelera, berriz, ikasketa hizkuntza. PPk, Ciudadanosek eta Voxek Espainiako Auzitegi Konstituzionalaren aurrean salatu dute legea.

Dekretuarekin ere berdin egingo dutela iragarria dute hiru alderdiek. Oraingoz, neurriak Estatutuak Bermatzeko Batzordearen bermea jaso du. Hark ebatzi duenez, dekretua ez da Estatutuaren eta Konstituzioaren aurkakoa, eta gaineratu du soilik Generalitateari dagokiola hizkuntza ofizialen tratamendua arautzea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako elkarretaratzea, gaur, Alderdi Ederren. ©Mikel Arreseigor

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun, eta gutxienez 37 hil dira.

"2022an oheratu nintzen eta 1950an esnatu naiz"

Abortu eskubide konstituzionala indargabetu dute epaileek AEBetan

Urtzi Urrutikoetxea

Milaka lagun irten dira AEBetako hirietan abortu eskubidearen aldeko protestetan. Elkar babestearen eta kalean mobilizatzearen garrantzia nabarmendu dute.

Migratzaile talde bat pilatuta, atzo, Marokoko Nador hirian. ©AMDH

SOS Arrazakeriak elkarretaratzeak egin ditu Melillan gertatutakoa salatzeko

Gorka Berasategi Otamendi - Jon Ordoñez Garmendia

Espainia eta Maroko arteko muga zeharkatzen ahalegindu ziren 2.000 lagun, herenegun, eta gutxienez 37 hil dira.

Joe Biden AEBetako presidentea, atzo, Etxe Zurian, hedabideen aurreko agerraldian. ©OLIVIER CONTRERAS / EFE

Biden: «Muturreko ideologia baten ondorioa da»

U. Urrutikoetxea

AEBetako presidenteak ohartarazi du amen heriotza tasa igo egingo dela herrialdean, Auzitegi Gorenak hartu duen erabakiaren ondorioz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...