Albistea entzun

LARREPETIT

Gora apirilaren 14a!

Hedoi Etxarte -

2021eko apirilak 17

Bada bere urtebetetzea ere ospatzen ez duenik. Eta bada hil zirenen urtebetetzeak, martxoaren 8a, 18a, 21a, maiatzaren 1a, ekainaren 28a, uztailaren 14a, azaroaren 7a eta beste hamabi ospatzen dituenik. Are Thomas Müntzer, Toussaint L'Ouverture eta Lisistrataren segidore euskaldunik. Baina Espainiako Bigarren Errepublikaren efemeridea gogoratu eta ospatzen dutenak amonestatzen dira.

Ospakizun guztiak dira problematikoak (baita urtebetetzeak ere: ez dago inor perfekturik, ospakizunak eta borroka egunak, platonikoak dira), baina Beñat Irasuegi burkideari ikasiz: ospatzen ez dena ez da. Neuk ere baina mordoa jartzen dizkiot Hegoaldeko 31-37 zikloari: gobernarien epela (langile mugimendua zapaltzera dedikatu ziren sarri), burujabetzaren mugak, laikotasunean erradikaltasun falta. Baina gerratik galtzaile atera ziren guztientzat (sozialista, abertzale, sindikalista, komunista, libertario) 31-37 zikloa izan zen ezagutu zuten eraldaketa gauzatzeko garairik nabarmenena. Egun Errepublikari (ezkerretik ala burujabetzatik) kritika egiten diotenek 1978-2021ean egin ez dituzten iraultza saiakerak gertatu ziren orduan: soziala 34an, estatu propioa 36-37an.

Halako batean, gaiarekin inolako loturarik ez duen zerbait okurritu zait. Errepublika gurean ospatu zutenak menosten dituen baten baten aitonak ez ote zuen tabernaren bat errekisatuko 37an, ez ote zuen salatuko norbait 36an, ez ote zen Dibisio Urdinean egongo 43an, ez ote zen izango 25.000 euskal herritar garbitu zituzten milaka euskal herritar horietakoren bat (Condor legioak 300 hil zituen, nafar faxistek 3.200 Nafarroan). Bihotzez eskertu dut Mikel Tabernaren Arkanbele, salbuespen bat. Zeren ilea moztuz zigortu zituzten emakumeei norbaitek moztu zien ilea. Norbaitek ehizatu zituen Ezkabako ihesekoak. Norbaitek salatu milaka auzokide. Garaile hil ziren.

Inor ez da bere arbasoen krimenen erantzule, nahiz eta krimen horien harrapakinei esker hazi. Pentsamendua, hein batean, ez da jaraunsten. Bilobetako asko, zorionez, faxismotik urrun dira,nahiz eta esplikatuko dizuten apirilaren 14a kaka dela espainiarra izan zelako, bere arbaso kriminalak testu-inguruaren seme ziren bitartean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna