Albistea entzun

Migratzaileen arteko mailaketa salatu dute herri mugimenduek

Ekhi Erremundegi - Iosu Alberdi -

2022ko martxoak 12

Eusko Jaurlaritzako eta Euskal Elkargoko lehendakariak Hilanderasko harrera zentroan zirela, 32 migratzaile ailegatu ziren eraikinera, Cadizetik (Espainia) Irunera (Gipuzkoa) iritsi berriak. Haiekin batera zegoen Irungo Harrera Sareko kide Josune Mendigutxia. Zentroen beharra nabarmendu du, baina erakunde publikoek afrikarrekiko erakutsitako jarrera kritikatu du: «Batzuei alfonbra gorria jarri diete, eta besteek aspalditik dute marra gorri bat».

Mendigutxiak azaldu du beharrezkoa dela Ukrainatik iristen diren herritarrei arta bermatzea, baina salatu du Afrikatik ailegatutakoek ez dituztela eskubide berak: «Haien bila ez da inor joaten, ez diete harrerarik egiten. Haientzat dena trabak dira». Harrera Sareko kidearen esanetan, gainera, erakundeek ez dute jendaurrean azaltzen zentroetan plaza bat lortzeko hainbat irizpide daudela: hala nola Espainiako Estatuan urtebete baino gehiago ez igaro izana eta Europako Batasuneko beste estatu batetik kanporatu ez izana. Horiek hala, gogorarazi du Irunera iristen diren migratzaileek harrera ez dutela bermatuta: «Denentzat eskubide berak eta harrera duin bat nahi ditugu. Denak pertsonak gara».

Amaia Fontang Etorkinekin elkarteko kideak ere nabarmendu du harrera errefuxiatu guziei egin behar zaiela: «Ukrainan gertatzen denak legitimatzen du errefuxiatuak hartzea, eta Frantziako Estatuaren iniziatiba ontzat ematen dugu. Baina ulertzen eta onartzen ez duguna da bi migrante mota desberdintzea». Frantziako Estatuak ez du betetzen bere harrera politika, Fontangen hitzetan: «Gure sarea ere ukrainarrak errezibitzen ari da, baina baita Ukrainatik heldu diren errefuxiatu afrikarrak ere. Poloniako mugan, baita beste muga batzuetan ere, Ukrainan legalki bizi ziren afrikar jatorrikoak ez dituzte pasatzen uzten».

Fontangek oroitarazi du (Lapurdi) Baionara iristeko bidearen segurtasuna ere arazo bat dela. «Inguruko auzapezek babesa erakutsi dute, baina, neurriak hartzekotan, Euskal Elkargoaren ardura ere bada». Instituzioak hautetsien deiari erantzun behar diola baieztatu du: «Badakigu prefetak ez duela mugitu nahi: segituko dute kontrolekin, migranteen kontrako ihiziarekin eta laguntzaileen atxiloketekin».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

LAB, SAE, UGT, ELA eta CCOO sindikatuen agerraldia gaur, Iruñean. ©IÑIGO URIZ / FOKU

Hiru greba eta hamaika mobilizazio: Nafarroa, marea zuri baten atarian

Ion Orzaiz

LAB, SAE, UGT, ELA eta CCOO sindikatuek, batetik, eta Satsek, bestetik, lanuzteak antolatu dituzte datozen asteetarako. Sindikatu Medikoaren grebak bigarren eguna du gaur.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.