Albistea entzun

Akademia ikuskaritzaren okupazioarekin segituko du Seaskak asteburuan ere

Ensembleko eta NUPESeko hautagaiek babesa erakutsi diete Seaskako kideei. Hezkuntza ministroaren beha segitzen dute
Tom Dubois hautagaia Peio Jorajuriarekin mintzo, atzo goizean, Seaskaren okupazioaren aitzinean.
Tom Dubois hautagaia Peio Jorajuriarekin mintzo, atzo goizean, Seaskaren okupazioaren aitzinean. GUILLAUME FAUVEAU Tamaina handiagoan ikusi

Ekhi Erremundegi Beloki -

2022ko ekainak 18 - Baiona

14:52an alerta mezua. «Polizia oraintxe pasatu da, eta omen lekuak husteko prestatzen ari direla». Frantziako Polizia ez zen itzuli, eta okupazioan parte hartzen ari zirenek arnasa hartu zuten. Luze joko duela dirudien desobedientzia ekintza baten gorabeherak. Asteazkenean abiatu zuten Pirinio Atlantikoetako Akademia Ikuskaritzak Baionan duen egoitzaren okupazioa Seaskako ikasle, guraso eta irakasleek. Azterketak euskaraz pasatzeko eskubidea aldarrikatzen dute, eta abisatu dute ez direla mugituko Pap Ndiaye Frantziako Hezkuntza Ministerioarekin bilkura bat lortu arte.

Seaskak Ipar Euskal Herrian dituen lau kolegioetako gurasoen artean txandak egin dituzte, okupazioan etengabe jendea egonen dela bermatzeko. Baina denbora okupatzea ere erronka bat da. Herenegun, euskalgintzako eragileetako ordezkarien eta zenbait hautetsiren babesa jaso zuten. Atzo, Frantziako Asanblearako bozetako bigarren itzulirako sailkatu diren seigarren hautesbarrutiko bi hautagaien bisita izan zuten; Vincent Bru Ensembleko hautagaia agertu zen goizean goiz, eta Tom Dubois NUPESekoa berantago.

«Hona etorri naiz Frantziako Poliziaren errabiazko erreakzioa ikusi dudalako. Maluruski, gure herrialdean gero eta ezagunagoa zaigun bortizkeria bat da», adierazi zion BERRIAri Duboisek, eta «sostengua» adierazi zien protestan parte hartu zutenei. «Estatuak ez du gehiago elkarrizketarik eramaten herritarrek aldarrikapenak dituztenean». Halaber, adierazi zuen «ulertezina» zitzaiola egoera. «Hitzarmen bat izenpetua izan da azterketak eskualdeko hizkuntzan pasatzeko, eta ez da errespetatua izan. Hizkuntza horretan egiten dituzte ikasketak, eta ezin dituzte azterketak euskaraz pasatu. Nik hori ez dut ulertzen». Gaia «deskubritzen» duela aitortu zuen. «Oso gutxitan elkartu gara Frantzia Intsumisoa eta Seaska. Elkarrizketak eta eztabaidak segitu behar ditugu».

Arratsaldean, agiri bateratua zabaldu zuten Ensembleren etiketapean Ipar Euskal Herrian aurkeztu diren hiru hautagaiek: Bruk, Florence Lasserrek eta Annick Troundayk. «Igande honetan laugarren, bosgarren eta seigarren hautesbarrutietako herritarrek beren konfiantza erakutsiko baligute, engaiamendua hartzen dugu Pap Ndiaye Hezkuntza ministroari urgentziaz hitzordu bat eskatzeko, eskualdeko hizkuntzen gaia aipatu eta aitzinarazteko [Ipar] Euskal Herrian». Agirian ez diote aipamenik egiten herenegun Frantziako Poliziak erabilitako bortizkeriari, eta ez dute agertzen zer iritzi duten Seaskaren aldarrikapenei buruz. «Kanpainan zehar izan ditugun trukeetan ikusi dugu herritarrek gure eskualdeko hizkuntzei buruz duten atxikimendua eta horien irakaskuntza bermatua izateko borondatea».

Parisera gutuna

Hautagaien babesa «berri ona» dela adierazi zuen Peio Jorajuria Seaskako lehendakariak. «Sostengua baino gehiago, ekintzak nahi ditugu, eta nahi dugu ministroaren erantzun bat». Gutun bat idatzi diote, eta bide ezberdinetatik pasarazi diote, Pariseraino iritsi dadin. Igandeko bozka eguna aitzina mintzatzea nahi lukete.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Mauleko mainfestazioa, gaur. ©Guillaume Fauvea

Etxebizitza espekulazioaren aurka mobilizatu dira Maulen

Oihana Teyseyre Koskarat

Etxe agentzietan itzuli bat osatuz egin dute protesta, XEKK Xiberuko Espekulazioaren Kontrako Kolektiboak antolatuta.

Manifestazioa, gaur, Donostian. ©Itaia Donostia.

Ziztada bidezko erasoak salatu, eta indarkeria matxistaren aurka antolatzera deitu dute

Berria

Itaiak manifestazio bat egin du Donostian, 'Ziztadarik ez. Erasoen aurrean babesa antolatu' lelopean.

Indarkeria matxistaren kontrako informazioa, Baionako bestetan. ©P. BELTZAIZ

Talde bortxaketa egotzita, behin-behinean kartzelara

Oihana Teyseyre Koskarat

Baionako bestetan izandako bortxaketaren harira, bi gizon preso sartu dituzte auzia egin arte. Bi gizon zigortu dituzte sexu delituak leporatuta

Atzemandako kalamua. ©Ertzaintza.

700 kilo marihuana atzeman ditu Ertzaintzak Abantoko errepide batean botata

Berria

Kutxatan eta poltsatan gordeta zegoen kalamua, urbanizazio baten inguruko pista batean, bide ertzean botata. Merkatuan bi milioi euroko balioa lukeela zehaztu du Ertzaintzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...