Noiz sortua: 2019-08-14 00:30:00

AEMk ohartarazi du «areagotu» egin dela Poliziaren jazarpena

Salatu du mugimenduko kide batzuen etxeetara eta autoetara sartu direla. Halere, «militantziarako eskubidea aldarrikatzen» jarraituko du
AEMren agerraldi bat Bilbon, iazko urrian.
AEMren agerraldi bat Bilbon, iazko urrian. MARISOL RAMIREZ / FOKU Tamaina handiagoan ikusi

Jon O. Urain -

2019ko abuztuak 14

Espainiako Poliziak Amnistiaren aldeko eta Errepresioaren aurkako Mugimenduko zenbait kideri egindako «jazarpena areagotu» egin da azkenaldian, AEMk ohar batean jakinarazi duenez. Azaldu du mugimendua sortu zenetik jasaten ari direla jazarpen hori, baina orain «jarraipenei eta bat-batean jarritako errepide kontrolei militante batzuen etxeetan eta autoetan egindako sarrerak» gehitu behar zaizkiela: «Kasu guztietan hankaz gora utzi dute dena, baina ez dute inoiz ezer ostu, eta, beraz, ondoriozta daiteke ez direla lapurreta kasuak».

Sarrera horiek «denboran eta formetan bat» egiten dute, AEMren arabera, «eta antzeko funtzioak aurrera eramaten ari diren militanteen kontra burutu dituzte». Mugimenduak Valentin Diaz Blanco Guardia Zibileko koronelak maiatzean egindako adierazpen batzuekin lotu ditu gertakari horiek; orduan, Diaz Blancok jakinarazi zuen «ikerketa bat» abian dutela AEMren aurka; esan zuen, besteak beste, militante batzuk «monitorizatuak» zituztela.

Hori horrela, AEMk babesa agertu die jazarritako kideei, eta «militantziarako eskubidea aldarrikatzen» jarraituko dutela gaineratu du: «Inoiz baino argiago esango dugu borroka egitea zilegi dela». Hain justu, hori izango da AEMk hilaren 24an Bilbon egingo duen martxaren leloa.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ordiziako institutua hutsik, aurreko astean. ©Jon Urbe / Foku

Ikasgeletara itzuliko dira gaur Araba, Bizkai eta Gipuzkoan

Berria

DBHko laugarren mailako ikasleak, batxilergoko bigarren mailakoak eta lanbide heziketako bigarren mailakoak izango dira lehenak. Halere, ez da presentzia handirik espero. Eusko Jaurlaritzako Hezkuntza Sailaren arabera, lanbide heziketako zentroen %20 inguruk irekiko ditu ateak.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Gaurtik aurrera, araudi berri bat dago indarrean Hego Euskal Herrian, eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna