ELAk eta LABek «erabat» gaitzetsi dute Espainiako errege-erreginen bisita

Salatu dute monarkia «zuritzeko» baliatzen ari direla osasun krisia. Navarra Suma eta PSN ez beste alderdiek ez dute ontzat jo bisita
Makina bat herritar elkartu zen atzoko elkarretaratzean.
Makina bat herritar elkartu zen atzoko elkarretaratzean. IDOIA ZABALETA / FOKU Tamaina handiagoan ikusi

Joxerra Senar -

2020ko uztailak 28

Azken asteetan hainbat informazio kaleratu dira egungo Espainiako erregearen aitaren, Juan Carlos Borboikoaren, irregulartasunen gainean. Polemikaren erdian, Felipe VI.a eta Letizia Ortiz Espainiako errege-erreginak Euskal Herrian izan ziren atzo, Zizur Txikian (Nafarroa), Aspace elkartearen eguneko zentroan. Kanpoan, ELAk eta LABek deituta, herritar ugarik txistuka hartu zituzten, eta protesta egin zuten irmo, «erabateko gaitzespena» adierazteko. «Ez dira ongi etorriak», nabarmendu zuten Imanol Pascualek eta Imanol Karrerak, ELA eta LABeko Nafarroako koordinatzaileek. Gogorarazi zuten «enegarren ustelkeria kasuaren ondotik» osasun krisia eta gizarte larrialdia erabiltzen ari direla «monarkia zuritzeko». «Onartezina eta zitala» deritzote asmo horri.

Protesta egin zuten tokian, guardia zibil ugari izan ziren. ELA eta LABeko ordezkariek azpimarratu zuten langileek ez dutela halako bisitarik behar. «Ez da kasualitatea Espainiako erregeak Nafarroara etortzen direnean enpresaburu nafarrek gonbidatuta etortzea edo aukera baliatzea enpresaren bat bisitatzeko. Batzuek menekoak nahi dituzte, eta besteek, esklaboak». Gaineratu zuten Franco hil eta bi egunera berrezarri zela monarkia, eta erregearen bortxaezintasuna duela zutarrietako bat.

Parlamentuan, taldeak Felipe VI.aren bisitaz aritu ziren. Navarra Sumak eta PSNk babestu egin zuten. «Lasaitasuna eta normaltasuna» gailendu zirela nabarmendu zuen PSNko Ramon Alzorrizek. Alta, gainerako parlamentu taldeek ez zuten ontzat jo bisita.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna