Albistea entzun

Suediak lehergailu arrastoak topatu ditu Nord Stream 1 eta 2 gasbideetan

Stockholmen arabera, «sabotaje larri bat» izan zen jazotakoa. Kremlinek esan du berri horrek «berretsi egiten» duela bere informazioa
Nord Stream 1 gasbidearen isuri bat, Suediako uretan.
Nord Stream 1 gasbidearen isuri bat, Suediako uretan. SUEDIAKO KOSTAZAINA / EFE Tamaina handiagoan ikusi

Mikel O. Iribar -

2022ko azaroak 19

Suediako agintariek baieztatu dutenez, lehergailuen arrastoak aurkitu dituzte Errusiatik Alemaniara gasa eramateko Nord Stream 1 eta 2 gasbideetan, eta ondorioztatu dute «sabotaje larria» izan zela irail amaieran jazotakoa. Gasbide horien aurkako «sabotajeak» lau gas isuri eragin zituen; horietako bi, Suediako uretan. «Egindako azterketen arabera, lehergailuen arrastoak atzeman ditugu hainbat objektutan», adierazi zuen atzo Suediako Fiskaltzak, ohar batean. Bide horretan, Kremlinek esan zuen iragarpen horrek «berretsi egiten» duela Errusiaren informazioa.

Mats Ljungqvist fiskala arduratu da kasuaz, eta azaldu zuen azterketak aurrera jarraitzen duela, «ondorio sendoagoak izateko». Haren esanetan, ikerketaren bilakaerak zehaztuko du «susmagarriren bat identifikatu daitekeen ala ez». Suediako Fiskaltzak duela hilabete jakinarazi zuen ustezko sabotaje baten susmoak indartzen ari zirela.

Horrekin lotuta, Kremlineko eledun Dmitri Peskovek atzo esan zuen balioa duela Suediak gasbideetan lehergailuen arrastoak aurkitu izanak, eta gogorarazi zuen «oso garrantzitsua» dela «leherketa horren atzean egon zirenak aurkitzea».

Danimarkak eta Suediak irailaren 27an jakinarazi zuten Nord Stream 1 eta 2 gasbideek kalteak izan zituztela eta bi zulo topatu zituztela gasbide bakoitzean. Hain justu, egun bat lehenago Danimarkako Bornholm uharteko sismografoek bi leherketa atzeman zituzten. Bi gasbideak zerbitzutik kanpo zeuden ordurako. Kopenhagek eta Stockholmek «sabotajetzat» jo zituzten gertakari horiek, baita Moskuk ere.

Kievi laguntza ematea

Ukrainak Errusiako armadaren beste misil zaparrada bat jasan zuen herenegun, eta, besteak beste, bederatzi pertsona hil zituzten Zaporizhia eskualdeko Vilniansk herrian, herrialdeko presidentearen bulegoko buru Kirilo Timotxenkoren arabera. Bestalde, Dmitri Medvedev Segurtasun Kontseiluko presidenteordeak atzo esan zuen Washingtonek «lehenago edo geroago» utziko duela Ukraina, Kievi laguntza ematea gai «toxikoa» baita AEBetan, haren esanetan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kenyako Baserritarren Ligako idazkari nagusi Sidi Otieno, elastiko gorri batekin. ©OSKAR EPELDE JULDAIN
Daniel Suidani Malaitako lehen ministro kargugabetua, haren Facebook orriko argazki batean. ©FACEBOOK

Malaitako lehen ministroa kargutik bota dute, ustelkeria leporatuta

Ander Perez Zala

Suidani da Salomon Uharteek eta Txinak adosturiko segurtasun akordioaren kritiko nagusia
Lurrikara.

Oraingoz 7.200dik gora dira Ekialde Hurbileko seismoetan hildakoak

Arantxa Elizegi Egilegor - Mikel O. Iribar

Gau osoan zehar lanean jarraitu dute erreskate taldeek, baina toki askotan laguntzaren zain daude oraindik. Ohartarazi dute biktima kopurua handitu egingo dela datozen orduetan. Milaka dira kaltetuak, eta 30.000tik gora zaurituak. Erdoganek hiru hilabeteko larrialdi egoera ezarri du hamar probintziatan.

«Herrialdearen historiako lurrikararik okerrena izan da hau»

«Herrialdearen historiako lurrikararik okerrena izan da hau»

Orsola Casagrande

Kurdistanen krisi mahaia eratu du HDP alderdiak, laguntza kudeatu eta kaltetutako eremuetara iristeko. Aterpeak lortzea da orain lehentasuna Sancarrentzat.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...