JIRA

Normaltasun berria

Angel Erro -

2020ko ekainak 23

Normaltasun berria ez da normala, ez berria. Normaltasun berria lehengo gaitzak gaitzago pasarazteko trikimailu dialektikoa izan daiteke. Normaltasun berrian, Kasedan egoitza duen (eta Wikipediaren arabera Koldo Mitxelena gurea fundatzailea duen) Viscofan enpresaren zuzendariak aldarrikatu duenez, «aurten oporrak ahal duenak eta ahal duenean hartu beharko ditu, gauzak ez baitaude txantxetarako», baina normaltasun berrian espainiar bankaren elkarteak dibidenduak banatu ahal izatea eskatu du eta aste honetan eginen dute Endesa edo Mapfre bezalakoek edo uztailaren 6an Bilbon egoitza duen CIE Automotivek ere. Hori bai, normaltasun berriak kinka larrian utzitako automozio sektorea diruz ureztatu beharko du. Normaltasun berrian ere diru laguntza gehienak ez dira hezkuntzara edo osasungintzara bideratuko. Normaltasun berria ez da normala, ez berria. Normaltasun berrian Artikoak berotzen jarraituko du eta zero emisioen helburuak ere hutsaren hurrengoa jarraituko. Normaltasun berrian, teleberrietako besarkada berantetsien ondotik, jende zaharraren bakardadea eta babesgabetasun berbera izanen da. Normaltasun berrian itzuliko omen dira turistak eta itzuliko gara gu ere turista izatera.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna