Noiz sortua: 2020-06-30 00:30:00

Bakegileek Mikel Barrios babestu dute Mont-de-Marsango presondegian

Ipar Euskal Herriko ordezkaritza batek Barriosen espetxeratzea arbuiatu du. Uztailaren 4an mobilizazioak egingo dituzte Itsasun eta Iruñean
Ipar Euskal Herriko ordezkaritzako kideak Mont-de-Marsanen, atzo.
Ipar Euskal Herriko ordezkaritzako kideak Mont-de-Marsanen, atzo. BERRIA Tamaina handiagoan ikusi

Amaia Ramirez de Okariz Kortabarria -

2020ko ekainak 30

Parisko Auzitegiak bost urteko kartzela zigorra ezarri dio Mikel Barriosi, «erakunde kriminaleko» kide izatea leporatuta. Hain zuzen, atzo sartu zen Mont-de-Marsango presondegira (Okzitania), eta kartzela atarira lagundu zioten Ipar Euskal Herriko ordezkaritzetako hainbat kidek.

Mikel Hiribarren Itsasuko auzapez berriak adierazi zuen «sostengua ekartzera» joan zirela: «Ezin genuen guttiago egin». Mixel Berhokoirigoin bakegilea ere mintzatu zen, eta «aurrera egitea» jarri zuen oinarrian: «Desarmamendua egin genuen bezala, presoen dosierra desblokeatuko dugu bai ala bai». Jean Rene Etxegarai Euskal Elkargoko lehendakariak eta Baionako auzapezak ere sare sozialen bidez azaldu zuen bertan egon ez arren «espirituz presente» zegoela. Erantsi zuen zigorra «zentzugabea» dela eta auziak «bizkarra» ematen diola bakeari.

Sarek eskutitz baten bidez salatu zuen espetxeratzea. Gutun bat eraman zuen Frantziak Bilbon duen kontsulatura. «Espetxeen auziari aterabidea emateko ordua da, eta ez konponbideari oztopoak jarriz sufrimendu garaiak errepikatzekoa. Norabide horretan kokatzen dira azkenaldian Frantziako Estatuaren erabaki ezberdinak: Jakes Esnalen baldintzapeko askatasun eskaeraren ukapena, Josu Urrutikoetxea aske ez uzteko erabakia. Eta, orain, Mikel espetxeratzeko agindua». Aldarrikatu du «konponbiderako garaia» dela, eta irtenbide horretan engaiatzeko eskatu die Frantziako, Espainiako eta Nafarroako gobernuei eta Eusko Jaurlaritzari.

Barriosen espetxeratzea salatzeko mobilizazioa egingo dute larunbatean Itsasun, 17:00etan, herriko lagunek deituta. Sarek ere manifestazioa egingo du egun berean, Iruñeko Felix Munarriz plazatik hasita, 18:00etan, Konponbide garaia da. Izan Bidea. Mikel etxera lelopean.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna