HIZPIDEAK

Ereserki bila berriro

Martxelo Otamendi Egiguren -

2020ko abuztuak 13

Ziklikoa da Euskal Herri osorako balioko duen ereserkia bilatu eta proposatzeko ahalegina. Nazio ikuspegitik daukagun ahulezietako bat da ez edukitzea adostutako eta zabal onartutako ereserkia; ez baitugu lortu orain arte, aurreko saioek porrot egitearen ondorioz, gehiengoak onartuko duen himnorik.

Euskal Herri osoko 80 musikarik, atzo, azken hamarkadotan ereserkia aukeratzeko egindako kiniela guztietan egon den Gernikako arbola-ren proposamena aurkeztu zuten jendaurrean. Esate baterako, 1981ean —egun indarrean dagoen Gora eta Gora 1983an onartu zuten—, Euskadiko Ezkerrak Gernikako arbola-ren aldeko proposamena egin zuen; ez zen onartu, baina PSOEk eta APk aldeko boto eman zuten.

Atzo proposatutako ereserkiari balio eta funtzio historikoa kendu gabe, eztabaidagai izan liteke kanta horrek dauzkan hitzak —eta hitz horiei darien herri eredua— egokienak ote diren laikoa, modernoa, orotariko berdinzale, interetnikoa, XXI. mendekoa... den eta izango den Euskal Herria ordezkatzeko: «bedeinkatua», «santua», «jainkoa eta jauna» (bost bider).

Nazio askotako ereserkien hitzak guztiz anakronikoak dira oraingo ikuspegitik, baina horiek aspalditik dira ofizialak. Bidezkoa da horren kontzeptu zaharkituak dauzkana aukeratzea?

Segi dezala eztabaidak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna