Albistea entzun

HIZPIDEAK

Errealitatea ezagutzeko tresnak

Martxelo Otamendi Egiguren -

2018ko uztailak 27

Beti da pozgarria jakitea gutxitu egin dela langabeen kopurua, eta are pozgarriagoa datu islatua barik joera bada. Garaiko datuak dira, urtaro honi dagozkionak eta badakigu lan eskaintza handitu egiten dela zerbitzuen alorrean. Baina, hori kontutan edukita ere, iazkoak baino hobeak. Urruti gaude krisi aurreko kopuruetatik, eta hiru puntu oraindik Europako batez bestekoaren azpitik.

Kopuru estatistiko hutsetan, alegia, atzean pertsonarik ez baleude bezalako kopuruetan, bide onetik goazela ematen du. Baina, ez dezagun sekula ahantz, pertsonak daude kopuru horien atzean, eta kalitate desberdinetako kontratazioak ere bai. Kontratuen kalitatearen adierazle adostu bat asmatu beharko genuke, kalifikatzaile bat, 0tik 10erako nota jarriko diena kontratuei, eta begiratu azkar batean lagunduko diguna benetako errealitatea hobeto ulertzen. Lotura zuzena baitago kontratu batzuen eta gizarte arrakalaren artean.

Gaindegiak egindako lan bikainari esker, Euskal Herri osoko datuak dauzkagu, eta horrek gure herriaren ikuspegi osatuagoa ematen digu, arazorik larrienak non dauden detektatzeko lana errazten digu, eta adierazi non egin behar den lan lehentasunez. Ohituegiak gaude datu partzialak jasotzen, gure herria zatitu besterik egiten ez dutenak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.