Albistea entzun

HIZPIDEAK

Kulturaren zilargileak

Mikel P. Ansa -

2022ko azaroak 30 - @peruarenaansa

Azpeitiko Sanagustin kulturgunea eta hura baino lehenagoko Kultur Mahaia erreferentzia bilakatuta daude, ez orain, herri askotako kultur baliabideak eta kultur bizitza bizkortu nahi dituztenentzat. Herriko kultur eragileek osatzen dute mahai hori, duela hamabost urte baino gehiagotik, eta hamar urte baino gehiago badira Sanagustin kulturgunea kudeatzen dutena, zeina udalaren jabetzakoa baita berez. Kooperatiba bat ere sortu dute, eta Soreasu antzokia eta Dinamoa sormen gunea ere kudeatzen dituzte. Kultur baliabideak eta programazioak kudeatzeko beste estilo eta eredu bat sortu ditu. Durangoko Plateruena kafe antzokia berpizteko inspirazio gisa erabili dutela aitortu dute. Horra eredu interesgarri bat; zaila; neketsua ere bai; eta distiratsua eta poztekoa ere bai. Politikariek aukeran dute agintari izatea edo ordezkari; herritarrei esan diezaiekete zer egin behar duten, edo herritarren ordezkari izan daitezke. Eta herritarrek aukeran dute «zergak ordaintzen ditut, eta egin diezadatela» esatea, edo elkarren artean eraikitzen ahalegintzea. Eta azken eredu horren alde egin dute Azpeitian eta Durangon, kulturaren esparruan. Plateruena berriak kudeaketa komunitarioa izango du, herritarrena, eta jabetzak udalarena izaten jarraituko du. Kulturaz harago ere zabaldu litekeen eredua da, nahi bada; kudeaketak ez baitu zertan beti publiko-pribatua izan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.