HIZPIDEAK

Iruzurgileak

Amagoia Mujika Tolaretxipi -

2019ko azaroak 7

Iruzurra, iruzurra eta iruzurra: Frantziako Gobernuak iruzurra ikusten du immigranteek osasun zerbitzua erabiltzen duten moduan; iruzurra, adingabe omen direla iristen diren helduengan; iruzurra, familiak biltzeko prozesuan. Horregatik erabaki du mugak, mugak eta mugak ezartzea: osasun zerbitzua mugatzea, muga jartzea kuoten bidez, mugetako kanporatzeak azkartzea, eta iritsi berriei ongietorria ofiziora mugatzea, migratzaileak onartuz enpresen beharren arabera.

Eta, iritsiera mugatzeko, kontrola, kontrola eta kontrola ezarriko ditu: are kontrol gehiago mugetan, profesio interesdunik ez duten guztiak kontrolatzeko atxikitze zentro gehiago, eta Europara iritsi aurretik kontrol zorrotzagoa, jatorriko herriekin egindako hitzarmenak bete daitezen.

«Orekaren» eredu hori Frantziara eta Euskal Herrira ez ezik Europa osora zabaldu nahi du Emmanuel Macronek, EBn duen erreferentzialtasuna indartzeko. Oreka hori, haren ustez, herritarrak lasaitzearen eta populismoari hatsa ez ematearen artekoa da. Baina neurriokin Marine Le Penen hatsa da urrundu nahi duena, bere eginez eskuin muturraren neurriak, nahiz eta gobernu batek ematen dion hausporik handiena populismoari, immigranteak iruzurgileak direlako ustea zabaltzen duenean, han eta hemen, eta aspalditik: hedatuz eta hedatuz doa argudio hori, gizartean sustraitzeraino. Gurean ere bai.

Frantziak gogortu egin ditu migrazio politikak, osasun zerbitzua mugatuz

Francisco Sanchez Rodriguez: «Gobernuak etorkina bera dauka jomugan, eta ez krisi orokorra»

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Athleticeko sei jokalarik positibo eman dute

Berria

PCR probak egin dizkiete futbol jokalariei eta klubetako langileei. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Maddalen Iriarte prentsaurreko batean, artxiboko irduian. ©Juan Carlos Ruiz/FOKU

EH Bilduk Eusko Jaurlaritzari eskatu dio konponbide bat emateko lehen arretako zentroen egoerari

Olatz Esteban Ezkati

Eragile politiko, sindikal, ekonomiko eta sozialen arteko elkarlanaren beharra nabarmendu du indar subiranistak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna