Albistea entzun

HIZPIDEAK

ETA Gaztela eta Leonen

Amagoia Mujika Tolaretxipi -

2022ko otsailak 12 - @mmuxika

Gaztela eta Leongo bozak aurreratzea erabaki zuen PPk, gehiengo osoa eskura zezakeelakoan, eta, bide batez, Espainian eskuineranzko ziklo aldaketa dagoela erakusteko, Madrilgo arrakastaren ondoren. Hango herritarrek osasun zerbitzuak, etxebizitza, lana, garraio publikoa eta Internetarako sarbide egokia dauzkate arazo nagusitzat, herriak jenderik gabe geratzen ari baitira, baina jokoan dagoena, PPren ustez, Pedro Sanchezen gobernuarekin duen lehia da. Pablo Casado PPko presidentegaiak etxaldez etxalde ibiliz hasi zuen kanpaina, Espainian auzia pil-pilean zela, baina paseo idilikoan bere lekua ezin eginda amaitu du, Voxekoen kastak aurrea hartu dio eta.

Gehiengo osoa urruntzen ari dela ikusita eta Voxen diskurtsora gerturatu beharrez, ETAk agertu behar zuen, eta, «haren munduak», nola ez. Kanpaina amaitzeko behar zituen argitalpenak eskuan, Grande-Marlaskaren dimisioa eskatu du presoen harira 2019an eta 2020an ustez izan zituen elkarrizketengatik.

Sanchezen inbestiduraren truke «kriminalekin» egindako akordioak salgarriak zaizkio oraindik, baina, Voxez gain, España Vaciada eta UPL Leongo Herriaren Batasunaren gisako alderdien gorakada kontuan hartzekoa izan liteke, pixkanaka diskurtso aldaketa bati bide egiteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hutsaren bahea
Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...