Noiz sortua: 2020-04-21 00:30:00

HIZPIDEAK

Eukaliptoaren birusa

Mikel P. Ansa -

2020ko apirilak 21

Goizetik gauera, 70 hektarea mendi soildu dituzte Hernaniko lurretan, eukaliptoa landatzeko. Mendi lanak ez dira jarduera funtsezkoa, noski, baina koronabirusaren krisiak ez du geldiarazi egurraren lobbya. Lehendik beste 200 hektarea eukalipto baino gehiago daude landatuak Hernani aldean. Lur asko ditu herriak, eta paper fabrikak edo haientzat egurra sortzen dutenak dira lurren jabe asko. Hernanin bezala, Gipuzkoan izugarri ugaritu dira eukalipto landaketak azken hamarkadan, lehenago Bizkaian bezala. Eta azkeneko bi urteotan, xingolaren gaitzak pinuak jo ondoren, egurretarako lur sail gehienetan ari dira pinuak botatzen eta eukaliptoak landatzen: iragazi motzeko irabazia; kate luzeko kaltea. Lur pribatuan ezin da egin jabeak nahi duen edozer. Adibidez, ezinezkoa da landa lur pribatu batean hamabost solairuko etxebizitza bat eraikitzea baimenik gabe. Arauak daude. Baina baso politikan, lur pribatuaren jabeak ia nahi duena egiten du, ia baimenik eta ia kontrolik gabe. Hernaniko azken kasu horretan, Haritzalde talde ekologistak salatu du lur saila lau zatitan banatu zuela jabeak, hartara ingurumen azterketarik egin behar ez izateko. Administrazioak laxoegi jokatzen du baso politikan. Edo ez du batere politikarik. Utzita daude mendiak, eta su hartuko dutenean edo ingurumen kalte larriren bat gertatuko denean, orduan publiko bihurtuko dira kalteak. Birus asko dabiltza larrialdiak sortzen, batzuk hain nabarmenak ez izan arren.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Hauteskunde Batzordeak bihar aztertuko du Ordiziako egoera

Hauteskunde Batzordeak bihar aztertuko du Ordiziako egoera

Arantxa Iraola - Jon Ordoñez Garmendia

Ordiziako positiboekin lotutako 48 kasu zenbatu dituzte dagoeneko. Maskara erabiltzea nahitaezkoa izango da Gipuzkoako herri horretan, eta tabernetako jarduna mugatu egingo dute. Beste taberna bat itxi dute, langile batek «positibo ahula» eman duela eta.

PCR probak egiten, aste honetan, Ordizian. ©JON URBE / FOKU

Maiatzaren 20tik ez zen hain datu txarrik positibo berrietan

Mikel P. Ansa

Hego Euskal Herrian azkeneko 24 orduetan 35 kasu positibo berri agertu dira PCR probak eginda. Maiatzaren 20an 31 kasu izan ziren, eta hilabete eta erdian ez da hain emaitza txarrik izan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna