HIZPIDEAK

'Aita Mari'-tik Estrasburgora

Garikoitz Goikoetxea -

2020ko otsailak 14

Beste 158 migratzaile onik lehorreratu ditu Aita Mari euskal ontziak, Italian. Bi erreskate egin zituzten igandean eta astelehenean, eta Sizilian porturatu ziren atzo goizean. 158 lagun. 158 izen. 158 bizitza. 158 bizitza proiektu. 158 ibilbide gordin. Lekukotasun gogorrak dira: bortxatu egin dituzte, dirua kendu, bahitu, prostituzioan jardutera behartu, torturatu. Tartean adingabeak daude, eta haurrak, eta haurdun dauden emakumeak. Zaurgarritasun beteko pertsonak. Aita Mari-k bete du itsasoratzean jarritako funtzioa; onik atera ditu iheslariak, eta Italiaren esku geratu da orain haien etorkizuna.

Mediterraneoan, ordea, ur tanta bat da Aita Mari-ren erako proiektuek egin dezaketena. Tripulazioko kideak izan dira lekuko egunotan bertan: ikusi dute nola ari ziren Maltako militarrak Libiako patruilei abisu ematen, Maltako uretan sartu eta migratzaileak atxiki zitzaten. Europako herrialdeen jokabidea salatu dute behin eta birritan talde sozialek: ez direla ari iheslariei sorospena ematen, ezta asilo eskatzaileak babesten ere.

Mediterraneoa hilerri ez ezik hiltegi bihurtzeko beste pauso bat eman du Europak orain: Giza Eskubideen Europako Auzitegiak ontzat jo du Espainiaren jokabidea, Melillako hesian migratzaileak zuzenean itzularaztea, inolako berme judizialik gabe. Irizpidea aldatu du auzitegiak —Espainia zigortu zuen lehen—, eta ondorio larriei atea zabaldu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Pertsona bat terraza batean eserita, Bilbon. ©Aritz Loiola / FOKU

Kasuek nabarmen egin dute gora Hegoaldean: 932 positibo

Amaia Ramirez de Okariz Kortabarria

Guztira, 12.746 PCR proba egin dira, eta egindako proba guztien %7,31k eman dute positibo. Nafarroan bi pertsona hil dira azken orduetan, eta Bizkaiko zahar etxeetan hiru egoiliar.

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna