HIZPIDEAK
Abrams eta Harris
Georgia errepublikanoen alde lerratu da duela 24 urtetatik, gaur arte: Joe Bidenek orain eta Hillary Rodham Clintonek duela lau urte, antzeko mapa marraztu dute estatu horretan; ez da egon kolorez aldatu den konderririk, baina aldaketa nabaria egon da bien artean: Bidenek garaipena lortu du hiri nagusietan, boto askoz gehiago. Zergatik? Stacey Abrams edo Kamala Harris ere badirelako demokratak, She is The People eta halako taldeak ere bai, emakume afro-amerikarren komunitate demokrata sendoa.
Stacey Abrams ekintzailea gobernadore izateko lehiatu zen Georgian, 2018an. Ez zuen lortu, baina bidean egin zituen 159 konderri, hango herritarrek AEBetan eragiteko gaitasuna zutela konbentzituta, estatua urdinera aldatuz gero. Bi urteotan, bozok iritsi bitartean, erakundeak sortzen aritu da jendearekin eta jendearentzat; boto emaileen eskubideak babesten, politikara iritsi berrientzat bozkatzeko prozeduretan laguntzen, eta lortu du milaka pertsonak bozkatzeko izena ematea. Kamala Harris presidenteordegaiak babestu zuen Abrams, 2018an, eta bidelagun izan dira hauteskundeotan ere. Hain zuzen, She Is The People taldeak Harris edo Abrams proposatu zituen presidenteordetzarako, hautagaitzaren prozesuan. AEBetan bezala, alderdi demokratan ere eragin dezaketela uste dutelako.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
