Albistea entzun

LGTBI kolektiboek «saretzera» dei egin dute

Gorroto diskurtsoaren hedapenaz eta komunikabideek kolektiboaren aurkako erasoei ematen dieten trataeraz «kezkatuta» daudela esan dute

Jone Arruabarrena -

2022ko maiatzak 17

LGTBIfobiaren aurkako Nazioarteko Eguna da gaur, eta LGTBI mugimenduak kezkatuta agertu dira gorroto diskurtsoaren igoeragatik, eta baita komunikabideek kolektibo horien aurkako erasoei ematen dieten trataeragatik ere.

EHGAM Euskal Herriko Sexu Askapen Mugimenduak, besteak beste, adierazi du kolektiboko kideei kalte nabarmena egiten dietela hedabide batzuen «beldurra zabaltzeko» joerak: «Komunikabide batzuek morboa sortzeko duten neurrigabeko behar horrek geure bizitzak, geure harremanak, geure gozamena eta geure askatasuna jopuntuan jarri ditu».

Ikusi gehiago: Lau urtean hirukoiztu egin dira Ikusgunen salatutako eraso LGTBIfobikoak

Bilboko azken asteetako gertakarien harira, esan dute oraindik ez dagoela argi hilketak «eraso homofoboak diren ala ez»; baina, hori bai, garbi azaldu dute «egitura homofobo baten baitako erasoak» izan direla, eta egitura horrek berak «ahalbidetu» dituela. Hala nola, nabarmendu dute kolektiboko kide batzuek behartuta ikusten dutela beren burua sexu praktika batzuk «ezkutuan» egitera. LGTBfobiaren Aurkako Nazioarteko Egunaren harira atera duten ohar baten bidez zabaldu dute mezua, eta gehitu dute LGTBI pertsonek bide bakarra daukatela: «Saretzea, artikulatzea, zaintzea, antolatzea; borrokatzearen bidea».

«Lege integral bat»

Gehitu Euskal Herriko lesbiana, gay, bisexual, trans eta intersexualen elkarteak ere azken urtean ugaritu diren «gorroto gertakari eta delitu kopurua» salatu du, eta Samuel Ruiz gazte homosexualaren hilketa ere gogora ekarri dute. «Halako gertakariak ekiditeko, erasotzaileak eta gizartea berresteko prebentzio politika eraginkorrak sortu behar dira», adierazi dute. Bide horretatik, galdegin dute erasotzaileekin «modu pertsonalizatuan» lan egiteko planak sortzea, baita «gizarte osoa» hezteko bide orri bat marraztea ere. Zehazki, plan «integral» bat egiteko eskatu diete erakundeei: «Funtsezkoa iruditzen zaigu euskal lege integral baten bidez legezko esparru bat egituratzea, funtzio pedagogiko argiak dituena eta kolektiboari aho batez babesa adierazten diona dauzkagun problematika eta biolentzia sistemikoaren aurrean».

Era berean, gizarteari eskertu diote azken erasoak direla-eta babesa eskaintzea, baina gizarteari eta instituzioei eskatu diete mobilizatzen jarraitzeko.

Nafarroako Legebiltzarrak ere gogoan hartuko du LGTBIfobiaren aurkako Nazioarteko Eguna, alderdi guztiek adostu duten adierazpen instituzional baten bidez.

Unai Hualde legebiltzarreko lehendakariak proposatu du egitasmoa, eta adierazpenaren bidez «LGTBIfobia eta kolektibo horretako pertsonek jasaten dituzten erasoei aurre egiteko neurriak» hartzeko konpromisoa erakutsi du legebiltzarrak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako aldirietako geltokia. ©Gorka Rubio / FOKU

Doako 92.236 abonu eman ditu Renfek Hego Euskal Herrian

Julen Otaegi Leonet

Duela hilabetetik doan bidaiatu ahal da Renferen aldiriko trenetan eta distantzia ertainekoetan. Abonuen %86,75 aldirikoei dagozkie; gainontzekoak, berriz, distantzia ertainekoei.

Sansoheta auziko epaituak, epaiketaren lehen egunean ©Jaizki Fontaneda / FOKU

Fiskaltzak hamalau eta 34 urte bitarteko zigorrak eskatu ditu 'Sansoheta auziko' hamar akusatuetatik seirentzat

Irati Urdalleta Lete

Orotara, hamar gizon eseri dira akusatuen aulkian, baina beste laurek aurreakordioa erdietsita daukate. Adingabeak galbideratzea, sexu abusuak egitea, adin txikikoen aurrean pornografia erakustea eta osasun publikoaren aurkako delituak egitea egozten diete.

Thomas Perlmann Fisiologia edo Medikuntzako Nobel Batzordeko idazkaria Medikuntzako Nobel Saria iragartzen ©Henrik Montgomery

Svante Paabo suediarrak irabazi du Medikuntzako Nobel saria

Berria

«Desagertutako hominidoen genomei eta giza eboluzioari buruzko» aurkikuntzak egiteagatik saritu dute Paabo.

Logroñoko espetxean sartu dute narkotrafikoarekin lotu duten ertzaina. ©Raquel Manzanares / EFE

Etxean 54 kilo kokaina zituen ertzaina espetxean sartu dute

Berria

Polizientzako modulu berezi batean dago, Logroñoko (Espainia) espetxean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...