Albistea entzun

Koronabirusa. GIZARTEA PENTSALDIAN

Guztientzat ez bada, ez da amaitu

Hibai Arbide - Kazetaria

2021eko ekainak 16

Argi eta garbi nabari da Europako edozein aireportutan egunotan. Jendeak beldurra galdu dio birusari. Dena erabat desberdina zen pandemian hegazkinez joan nintzen lehen aldian, orain urtebete. Aireportuak ia hutsik zeuden, dendak itxita. Isiltasunak hunkitu egiten zuen. Bidaiari gutxi horiek besteengandik hurbil ez egoten saiatzen ziren. Askok plastikozko eskularruak zeramatzaten. Hegazkinetan isilik joaten ginen, ur pixka bat edateko ere maskara eranzteko beldurrez.

Hilabete hauetan, Txinatik etorritako bidaiariekin egin dut topo, Kairoko eta Istanbulgo aireportuetan geldialdia eginez. Deigarria zen gehienek, KN95 maskara batez gain —Fpp2 baten baliokide txinatarra—, erabili eta botatzeko lan-jantzi zuri bat, aurpegia estaltzen zuen plastikozko pantaila eta babesteko betaurrekoak zeramatzatela. Beastie Boys taldearen bideoklip batean nengoela iruditzen zitzaidan bakoitzean.

Parisko Charles de Gaullen inork ez du jada distantziarik zaintzen. Kolak betiko modu desordenatu eta aglomeratuan egiten dira. Madrilgoan, Barajasen, askok maskarik gabe hitz egiten du jateko mahaietan. Atenaskoan, milaka turistek beti bezala jokatzen dute berriro, baina maskararekin.

Polita da beldurra galtzen dugula egiaztatzea. Duela urte eta erdi, gure bizitzak gelditu egin ziren eta bizitza asko betiko itzali ziren. Amaitzear dago; ez da aireportuetan bakarrik nabaritzen. Adineko jendea txertatuta dago, koronabirusa arriskutsua izateari utzi dion sentsazioa dago.

Arazoa da munduko biztanle gehienentzat COVID-19a ez dela amaitzear dagoen zerbait. Indian, pandemiak beste inon ez bezala dena suntsitzen duen bitartean, herritarren % 3,5 baino ez daude erabat txertatuta. Zenbait herrialde, ausaz: Thailandian %2,5; Nigerren %0,06; Mauritanian %0,16; Aljerian % 5,8, baina dosi bakarra; Angolan % 1,4; Kongoko Errepublika Demokratikoan ehunekoa zero da.

Europak eta Estatu Batuek amesgaiztoa hasi zenetik errepikatu dute pandemia globala zela eta mundu osoari eragiten ziola, baina irtenbidea aurkitzeko orduan betiko berekoikeriaz jokatu dute. Herrialde pobreenek txerto gutxiago dituzte eta garestiago ordaintzen dituzte. Justizia globalaren kontua da. Baina logikoa ere bada: erabat desagerrarazi arte, ez da andui berrien arriskua desagertuko. Guztientzat txertoa egon arte, ez da inorentzat arriskua desagertuko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hainbat ikasle EHUko Ibaetako campusean eginiko manifestazioan. ©Gorka Rubio, FOKU

Eraso sexistagatik salatu zuten irakaslea, «telelanera» behartua

Ion Orzaiz

EHUk espedientea ireki dio irakasleari, baina eskolak ematen segituko du, «telematikoki» bada ere. Emakume batek hainbat gizonen artean jipoitu dutela salatu du Gasteizen

Errepide bazterra, artxiboko irudi batean. ©Susanna Sáez, EFE

Txirrindulari nafar bat hil da Calahorran, auto batek harrapatuta

Uxue Rey Gorraiz

Bart gertatu da istripua. Hildakoak 19 urte zituen, eta San Adriangoa zen.

PCR probak, Gasteizko Txagorritxu ospitaleko laborategi batean. ©G.RUBIO / FOKU

Astebetean %27 handitu da positibo kopurua Hego Euskal Herrian

Edurne Begiristain

Azken zazpi egunetan 1.193 kasu detektatu dituzte. Ospitaleratutako gaixo kopurua %32 handitu da epe berean: 128 eri daude gaitzarekin
Sizilian porturatu da 'Aita Mari', 105 migrante erreskatatuta

Sizilian porturatu da 'Aita Mari' ontzia, 105 migrante erreskatatuta

Uxue Rey Gorraiz

Erreskate ontzia Trapaniko portura ailegatu da astelehenean. Joan den asteartean Maltako uretan erreskatatutako 105 pertsona ziren barrenean. Ordutik, noraezean ibili da ontzia; gaur arte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.