Albistea entzun

Hezkuntza legeari egindako kritikak «entzuten» dituela esan du Bildarratzek

Sindikatuei «presio» egitea egotzi die, sare publikoan egindako greba deialdia dela eta. Urte hondarrerako prest egongo da lege proiektua
Euskal Eskola Publikoaz Harro plataformak larunbatean Bilbon deitutako manifestazioa.
Euskal Eskola Publikoaz Harro plataformak larunbatean Bilbon deitutako manifestazioa. ARITZ LOIOLA / FOKU Tamaina handiagoan ikusi

Edurne Begiristain -

2022ko azaroak 8

Eskola publikoa indartzeko eta Eusko Jaurlaritza ontzen ari den Hezkuntza Legeari ezezkoa emateko, milaka lagunek Bilboko kaleak bete zituzten larunbatean Euskal Eskola Publikoaz Harro taldeak deituta. Mobilizazio horren inguruan galdetu zioten atzo Euskadi Irratian Jokin Bildarratz Eusko Jaurlaritzako Hezkuntza sailburuari, eta azpimarratu zuen alde guztien eskaerak kontuan hartzeko ahaleginean ari dela bere departamentua. «Gure testuari zuzenketak eta erreklamazioak egiteko aukera izan dute, eta entzun egiten diegula eta erantzuten ari garela esan behar diegu».

Zehazki, adierazi zuen Elkarrekin Podemos-IUrekin egindako akordioari esker, 0 eta 2 urte bitarteko haurren matrikulazioa doakoa izango dela Haurreskolak partzuergoko ikastetxeetan, eta ikasle kalteberen inguruko araudia onartu egin dela datorren ikasturteari begira. Era berean, gogorarazi zuen sindikatuekin lortutako akordioei esker datozen urteetarako ratioak jaitsi egin direla, hezkuntza bereziko langileen kopurua handitu egin dela eta baldintzak hobetu egin direla. Hala ere, guztien eskubideak eta betebeharrak jaso behar ditu lege berriak, bere esanetan. «Guk, gobernu gisa, hezkuntza sistema osoari erantzun behar diogu. Oraintxe 173.500 ikasle inguru ditugu sare publikoan, eta 166.000 inguru itunpekoan. Gure betebeharra da lege bat egitea, eta lege batek jaso behar du betebeharrak eta eskubideak eskola publikoarentzat eta itunpekoarentzat direla».

ELA, LAB eta Steilasek azaroaren 30erako eta abenduaren 14rako sare publikoan egindako greba deialdiak «harriduraz» jaso dituela esan zuen sailburuak, eta «presio» egitea aurpegiratu zien sindikatuei. Euskadi Irratian egin zioten elkarrizketan, gogora ekarri zien oraindik irekita dagoela aurreproiektuari alegazioak aurkezteko epea, eta behin betiko testua zein izango den definitu gabe dagoela.

Hauteskundeen ostean

Hezkuntza eragileen ekarpen guztiak aztertu ondoren, datozen egunetan borobilduko du hezkuntza legearen testu berria Eusko Jaurlaritzak. Lege proiektuaren berme juridikoak eta txosten ekonomikoa onduko ditu gero, eta, hala, urte amaierarako edo hurrengoaren hasierarako igorriko dio testua Eusko Legebiltzarrari. Hezkuntza Sailak espero du 2023-2024ko ikasturterako legea indarrean egotea. Udaberrian udal eta foru hauteskundeak izango dira, eta, sailburuaren iritziz, ez da giro egokiena izango halako garrantzia duen lege bat onartzeko. Aproposago ikusten du hauteskundeak eta gero onartzea lege berria.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRRIA / BERRIA

«Zergatik egon behar dut nik kontrolpean?»

Maite Asensio Lozano

Manuelaren senar ohiak eskumuturrekoa darama. Manuela hiltzen saiatu zen. Gizonak maiz uzten du gailua kargatu gabe, eta, alarmak etengabe jotzearen ondorioz, antsietate arazoekin dabil emakumea.

Miramonen ospatu dute festa, eta Zientzia eta Teknologia Parkearen eraikin nagusiko aretoa lepo bete dute. ©MAIALEN ANDRES/FOKU

Sexu identitateari buruzko ikus-entzunezko pieza didaktikoak sortu ditu Naizen elkarteak

Jone Arruabarrena

Adingabe Transexualen Gurasoen Elkarteak urteroko jaialdia ospatu du, eta ikus-entzunezko bost piezak osatzen duten proiektua aurkeztu dute, baita diseinu berri batekin apaindutako kamisetak ere

‘Soilik baietz da baietz’ legea berrikusiko dute

‘Soilik baietz da baietz’ legea berrikusiko dute

Berria

Podemoseko iturriek azaldu dute oraindik ez daukatela «konponbide bat», baina bide egokia aurkitzeko lanetan dabiltzala.

 ©MARISOL RAMIREZ / @FOKU

Kontrol telematikoa hobetu beharra

Maite Asensio Lozano

Tratu txarrak ematen dituzten gizonei eskumuturreko telematikoa jartzea maizago eskatuko dute poliziek eta fiskalek, baina gailu horien nahi gabeko ondorioek kezka piztu dute eragileen eta biktima taldeen artean.

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.