Albistea entzun

Espainiako Gorteetarako hauteskundeak. Hego Euskal Herria

HEZKUNTZA. Zentralizazio hotsak berriro

LOMCEren norabidean sakontzeko proposamenak dituzte Espainiako eskuineko alderdiek: errebalidak eta zentralizazioa. Beste alderdiek PPren lege hori gainditu nahi dute.
MARISCAL / EFE Tamaina handiagoan ikusi

Garikoitz Goikoetxea -

2019ko apirilak 27

Ezegonkortasun handiko urteak izan dira Hego Euskal Herriko hezkuntzan. 2013an, Espainiako Kongresuko gehiengoa baliatuz, LOMCE legea onartu zuen PPk. Erroko aldaketak ekarri zituen hezkuntzaren esparrura; besteak beste, edukiak gehiago zentralizatzea —gai nagusiak Madrilek zehaztea— eta errebalidak ezartzea, irakastaldi bukaerako azterketak. Ez dago erabat indarrean LOMCE, PPk berak atal batzuk gelditu baitzituen, aurkako jarrerak ikusita. Mamua bueltan da, baina: zentralizazioa eta errebalidak aipatu dituzte PPk, Ciudadanosek eta Voxek.

Parlamentuko blokeoaren isla nagusietako bat hezkuntzan nabari da. Gogoan izatekoa da orain sei urte, LOMCE onartu zutenean, oposizio osoak elkar hartuta egindako iragarpena: ahal bezain laster bertan behera utziko zutela legea, eta beste bat egingo. Oraingoz ez dute eman pauso hori: bat datoz LOMCEren aurka, baina ez dute besterik ondu.

PSOEk hamar hilabete egin ditu Espainiako Gobernuan. Bozetara deitzeko atarian, otsail erdian onartu zuen LOMCE indargabetzeko lege proiektu bat. Oinarrian, aurreko egoerara itzultzea planteatu zuen Isabel Zelaa Hezkuntza ministroak —PSE-EEren zerrendaburua da Araban—: errebalidak ezabatzea, Erlijioak kalifikazioetarako baliorik ez izatea, Madrilek edukien %55 zehaztea...

Aurreko LOE legean ageri ziren neurri horiek. Zelaaren proposamenean bazen euskal hezkuntzari eragin ziezaiokeen neurri bat: irakats-hizkuntza ezartzeko ardura erkidegoen esku uztea, eta ikastetxeek neurriak hartzea ikasleek hizkuntza ofizialetan «beharrezko maila» badutela egiaztatzeko. Ia ikasleen erdiek euskaraz ez dute lortzen «eskatutako gaitasuna» Araban, Bizkaian eta Gipuzkoan.

«Itun nazionalik» ezin egin

Zelaaren proposamena ezerezean geratu da oraingoz, astirik ez baitu izan parlamentuan onartzeko. Datorren legealdian zer gertatuko den, proposamen erabat desberdinak egin dituzte alderdi nagusiek, uztartzen oso nekezak. Hala gertatu zen orain hilabete batzuk: hezkuntzako «itun nazionala» egiten saiatu ziren, baina edukietan sartzean berehala zapuztu zen.

Programetan nabari da talka hori. PSOE eta Unidas Podemo s argi mintzo dira LOMCE bertan behera uzteaz; besteak beste, errebaliden kontra agertu dira. PPk, Ciudadanosek eta Voxek ez dute zuzenean aipatu LOMCE, baina haren neurri batzuk hartu dituzte proposamenetarako. PPk «izaera nazionaleko probak» aipatu ditu; Ciudadanosek, «selektibitate bakarra»; eta Voxek, «maila nazionaleko kontrol azterketak». Ezkerrekoak eskola publikoa lehenesteaz mintzo dira; eskuinekoek «familien askatasuna» jarri dute lehentasun gisara.

Edukiei dagokienez, lausoagoa da egoera. Eskuineko taldeek ez ezik, PSOEk ere aipatu du «balio konstituzionalak» curriculumean txertatzea. Unidas Podemosek eta sozialistek badute proposamen komun bat: hezkidetza sartzea curriculumean. Vox aurka dago, eta gurasoek muzin egiteko aukera legez bermatzea proposatu du. PP ere, bide beretik: «Ezkerraren esperimentazio eta ideologizazio tresna izateari utzi behar dio hezkuntza sistemak».

Madrilgo alderdien ika-mikaren erdian, EAJk Jaurlaritzaren eskumenak babestea jarri du lehentasun, eta LOMCE legea gainditzearen alde egin du, «kaltea» ekarri duelakoan. EH Bilduk lehentasunen artean jarri du hezkuntza legea bertan behera uztea, eta «sistema propioa» du aldarri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oñati, artxiboko argazki batean. ©Juanan Ruiz / Foku

Herri bakar bat ere ez da sartuko bihar eremu gorrian

Berria

Atera egingo dira Barrika, Berango, Elgoibar, Getxo, Gueñes, Loiu, Mendaro eta Urduliz, eta soilik bost herrik jarraituko dute eremu gorrian: Derio, Gaubea, Oñati, Santurtzi eta Sopela.

Mugimendu feministako kideak gaur goizean egindako prentsaurrekoan. ©Gorka Rubio / FOKU

Sistema arrakalatzeko aldarria egingo du mugimendu feministak Martxoaren 8an

Ainhoa Larretxea Agirre

Baionan, Bilbon, Gasteizen, Iruñean eta Donostian egingo dituzte manifestazio nagusiak. Gainontzeko herrietan ere mobilizazioak antoatu ditu mugimendu feministak. 

Erizainak PCR probak egiten, Nafarroako zaharren egoitza batean. ©NAFARROAKO GOBERNUA

Beste 484 positibo zenbatu dituzte Hego Euskal Herrian

Maria Ortega Zubiate

13.311 test egin dituzte Hegoaldean, eta horietatik %3,6 izan dira positiboak.

Gipuzkoako zaharren egoitzetako langileen manifestazioa, Donostian. ©Andoni Canellada/FOKU

247. greba eguna izan dute Gipuzkoako zaharren egoitzetako langileek

Maria Ortega Zubiate

"Hitzarmen duina" eskatu dute egindako manifestazioan, ELAk eta LABek deituta. Salatu dute gutxieneko zerbitzuak %100ekoak izan direla.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Garikoitz Goikoetxea

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna