Suediak legedia aldatuko du PKK goratzea zigortzeko
Suediako Atzerri ministro Tobias Billstromek atzo iragarri zuen herrialdeko legedia aldatuko dutela «terrorismoa goratzea» zigortzeko. Horrek esan nahi du PKK Kurdistango Langileen Alderdia edozein modutan babestearen aurka ere egingo duela Suediak. «PKK ez da, beharbada, mehatxu handi bat Suediarentzat, baina bai Turkiarentzat, eta guk oso serio hartzen dugu hori», adierazi zuen atzo, Ankaran, Turkiako Atzerri ministro Mevlut Çavusoglu alboan zuela. Turkiak Suediari egozten dio «terrorista» kurduak babestea, baina NATOn sartzeko betoa kendu zion, norabide horretan erreformak egitearen truke.
Iruzkinak
Ez dago iruzkinik
Ordenatu