«Adostasuna» xede, martxa batera deitu du GuraSOSek otsailaren 23rako

Donostian egingo dute mobilizazioa, 17:00etan. Zubietako errauste planta eten dezatela eskatzeko, atxikimenduak biltzeari ekingo diote
Mobilizazioaren berri emateko atzo Donostian eginiko agerraldia.
Mobilizazioaren berri emateko atzo Donostian eginiko agerraldia. JON URBE / FOKU

Jon O. Urain -

2019ko urtarrilak 27
GuraSOS elkarteak manifestazio bat egingo du otsailaren 23an Donostian, Zubietako errauste plantaren lanak etetearen eta hondakinen arloan erakunde publikoak eta herritarrak «elkarlanean» aritzearen alde. Martxa 17:00etan abiatuko da Antiguako tuneletik, Esan baietz adostasunari lelopean. GuraSOS elkarteak agerraldi bat egin zuen atzo Donostian, mobilizaziora deitu eta abian jarri duen atxikimendu kanpainaren berri emateko. Agerraldian, osasun, hezkuntza, sindikalismo, unibertsitate, nekazaritza, kultura, kirol eta ekologia esparruko hainbat eragile eta herritarrek hartu zuten parte, eta asmoa da arloz arlo atxikimenduak biltzen jarraitzea. Herritar orori ere dei egin diote kanpainarekin bat egin dezan, horretarako prestatu duten irudiarekin argazki bat aterata —esku bat, hatz lodia gorantz duena—.

Atzoko agerraldian izan zirenek babesa eman zioten manifestu bati. Dokumentu horrekin bat egin dutenen arabera, gizarteak «ez du onartzen» Zubietako erraustegia martxan jartzeak «osasunean eta ingurumenean sortzen duen arriskua», eta, auzia konponbidean jartzeko, beharrezkotzat jo dute «erakundeen eta antolatutako jendarte zibilaren arteko elkarrizketa eta elkarlana». Izan ere, uste dute Zubietako azpiegitura martxan jartzeko «alde bakarreko irtenbideak» ez duela «gatazka ixten ezta bideratzen ere: are okerrago, beste 35 urtetarako luzatzen eta betikotzen du».

Biltzeko deia

Hondakinak erraustearen kontra dauden Gipuzkoako gurasoen elkarte horrek Hitzartu parte-hartze dinamika jarri zuen martxan 2017ko abenduan. Dinamika horrek Markel Olano Gipuzkoako ahaldun nagusiari eta Eider Mendoza Batzar Nagusietako presidenteari eskatu zien bilera bat egiteko Hitzartuko ordezkariekin eta aztertzeko gogoeta prozesu horren emaitzak eta elkarlanerako bideak. Atzo aurkeztutako manifestuaren sinatzaileek bat egin zuten eskari horrekin.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna