Noiz sortua: 2020-02-16 00:30:00

BAKARRIZKETA

HS2, bizkor joan nahi duen eta motel doan trena

CAF

Iker Aranburu -

2020ko otsailak 16
1. HS2? Hori ez al da uraren ikurra? Hara bestea! Batzuek zipitzik ez dakigu kimikari buruz, baina ura H2O dela ongi ikasi genuen. Fin ibiliko zara zu Egunean Behinen!

2. Ez esan inori, baina ez dut lortu sei baino gehiago asmatzea. Orduan, bada, zer da HS2? High Speed 2ren laburdura; hau da, Erresuma Batuko abiadura handiko trenbide batena. HS1, berriz, Londres eta Mantxa azpiko tunela batzen dituen trenbidea da.

3. Zer gertatzen zaio HS2ri? Utzidazu asmatzen: oso motel ari dira hura egiten. Bingo! Ez dakit nola bururatu zaizun ideia hori. Antzeko beste kasurik ezagutzen al duzu, ala?

4. Zerbait entzun dut hor nonbait, baina zehazki non ez dakit. Utz dezagun sarkasmoa alde batera, eta goazen harira. Aste honetan, Boris Johnson Erresuma Batuko lehen ministroak iragarri du egin egingo dutela HS2.

5. Auzitan zegoen? Bai. Eta arrazoiak ezagunak egingo zaizkizu: txikizio handiak egingo dituela basoetan eta nekazaritza lurretan, oso garestia dela, eta hobe dela gaur egungo trenbideak hobetzea. Protestek eta zalantzek eragin dute proiektuak aurrera ez egitea. Duela hamar urte bultzatu zuten, artean laboristak Londresko gobernuan zeudela. Baina ordutik hona ez dute kilometro bakar bat ere bukatu.

6. Eta beste batzuk Madrilekin kexu dira. Erresuma Batuko Gobernuak ez du dirurik jartzen, ala? Egiten hasi aurretik 9.600 milioi euro gastatu dituzte, azterketetan eta ingeniaritza lanetan. Eta aurrekontua abiadura handian doa gora: 2009an uste zuten 51.000 milioi euroan egin ahal izango zutela, baina orain 127.000 milioiko aurrekontua du. Eta ez da baztertu behar gehiago handitzea, oraindik ez baitago garbi nondik nora joango den.

7. Ez dakite nora joango den? Hori ere ezaguna egiten zait. Bueno, badakite zer xede duten: Londres Ingalaterra iparraldeko hiriekin lotzea, Manchesterrekin eta Leedsekin bederen. Beste kontu bat da azkenean zenbat adar izango dituen, eta adar horiek noraino iritsiko diren, iparraldeko alkateak presionatzen ari direlako beren hirietara ere irits dadin. Guztiekin geratu nahi du ongi Johnsonek. Batetik, erakutsi nahi du EBtik kanpo Erresuma Batua ez dela gain behera etorriko. Bestetik, keinu bat egin nahi die Ingalaterra iparraldean lehen aldiz tory-en alde bozkatu dutenei.

8. Lortuko al du? Azpiegitura soil bat baino gehiago beharko du Ingalaterrako iparralde pobretuaren eta hegoalde aberatsaren arteko arrakala gero eta handiagoa ixteko.

9. Proiektu handia da. Tren gutxi batzuk beharko dituzte. Badakit nora joan nahi duzun. Azken datuen arabera, 3.100 milioi euro gastatuko dituzte trenetan, eta kontratu hori lortzeko lehian dago CAF. Hasieran kanpoan geratu zen, baina Bombardierrek eta Hitachik HS2rako bat egin izanak lekua egin dio Beasaingo konpainiari. Oaris trena eskaini du, Norvegian soilik saldu ahal izan duen trena. Lehian daude Euskal Herrian lantegia duten beste bi enpresa: Talgok bagoiak egiten ditu Erriberabeitian (Araba), eta Bombardierrek makinak Trapagaranen (Bizkaia).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Kale garbitzaile bat, Donostian. / ©Jagoba Manterola, Foku

Sanchezek apirilaren 26ra luzatu du konfinamendua

Berria

Goizean batzorde zientifikoarekin batzartu eta gero: «Gizarteak behar duen denbora da birusari aurre egiteko».

Militarrak Etxalarren

Militarrak Pirinioetan

Berria

Atzo Iruñean egon eta gero, Espainiako Armadako soldaduak Zaraitzu, Etxalar eta Sara inguruetan ikusi dituzte. Bideoa: militarrak Etxalarren.

Apirilaren 4an eguneratua, 14:00etan. ©BERRIA

Koronabirusaren azken datuak

Berria

Euskal Herrian 11.184 gaixok eman dute positibo koronabirusaren proba eginda. 650 hil dira. COVID-19 gaitza izandako 3.409 pertsonari eman diete alta. Grafikoak, albiste barruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna