Albistea entzun

Joe Bidenek irabazi duela baieztatu du hautatzaileen batzarrak

Ander Perez Zala -

2020ko abenduak 15

Joe Bidenek beste pauso bat eman du AEB Ameriketako Estatu Batuetako presidentetzara bidean. Sistemak finkatu bezala, hautatzaileen batzarreko konpromisarioak euren botoa emateko elkartu ziren atzo, eta buruzagi demokratak jaso zuen babes gehien, Donald Trump egungo estatuburuaren eta errepublikanoen hautagai izandakoaren aurrean. Hortaz, hauteskunde prozesuaren fase hori beteta, Biden ofizialki izendatu dute AEBetako presidente.

Bozketak ezohikotik ezer ez duen arren, hauteskundeen emaitzak aldatzeko Trumpen asmoek arreta handiz jarraitu beharraren garrantzia eman zioten atzokoari; streaming bidez ikusteko aukera ere eman zuten, besteak beste, koronabirusak eragindako pandemia dela eta.

Bozketa horren bezperan, errepublikanoen hautagai izandakoak bozen emaitza aldatzeko asmoan jarraitu zuen, baina horretan ere huts egin zuen: AEBetako Auzitegi Gorenak uko egin zion azaroaren 3ko presidentetzarako hauteskundeen zenbaketa baliogabetzearen alde jarritako salaketa aztertzeari.

Boz horietan, Bidenek 306 konpromisarioren botoak lortu zituen, eta Trumpek, berriz, 232renak; herritarren babesari begira, hautagai demokratak 81,2 milioi boto jaso zituen, eta errepublikanoak, 74,2 milioi.

Urtarrilaren 6ari begira

Orain, begirada guztiak AEBetako Kongresuan egongo dira jarriak, datorren urtarrilaren 6an zenbatuko baitituzte konpromisarioek atzo emandako botoak.

Hori egitean, orduan bai, Bidenen eta Kamala Harrisen garaipenak ofizialak izango dira, eta biek ala biek egingo dute euren kargu berriaren zina datorren urtarrilaren 20an egitekoak diren ekitaldian.

Bien bitartean, Trumpek erakutsi du bere horretan jarraitzeko asmoa duela, eta Etxe Zuriko trantsizioa zaildu egingo diola Bideni.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Peruko Polizia herritar bat atxilotzen, Boluarteren aurkako manifestazio batean, atzo, Liman. ©Antonio Melgarejo / EFE

Peruko bozak urrira aurreratzeko lege proiektua aurkeztu du gobernuak

Mikel O. Iribar

Hain zuzen, Kongresuak hauteskundeak abendura aurreratzeari ezezkoa eman ondoren heldu da gobernuaren erabakia. Proposamen horren arabera, Boluarteren agintaldia abenduaren 31n amaituko litzateke.

 ©KETTY MARCELO LOPEZ

«Perun hil egiten gaituzte; diktadura zibiko-militar batean bizi gara»

Mikel O. Iribar

Buruzagi indigenak azaldu duenez, Castilloren atxiloketa «bidegabeak» ez ezik, Perun duten krisi sozialak eta arrazakeriak ere eragin dituzte egungo protestak: «Ez dugu amore emango».
Goizaldean bonbardatutako eraikinetako bat, Kramatorsken. / ©Segey Shestak, EFE

Hiru pertsona hil dira etxebizitza eraikin baten aurkako bonbardaketan Ukrainan

Arantxa Elizegi Egilegor

Kievek ohartarazi du Errusiak «erasoaldi handi bat» hasteko asmoa duela gerra hasieraren urteurrenean. Europako Batzordeko presidentearen bisita baliatuta, Zelenskik zigor gehiago eskatu ditu Moskuren aurka.

Protesta bat Jeninen, Gazan, joan den ostiralean, Zisrdanian egindako sarekadak salatzeko. / ©Mohammed Saber, EFE

Israelek 224 palestinar hil zituen iaz, tartean 53 adingabe

Arantxa Elizegi Egilegor

Goizaldean, Israelgo armadak Gazako hainbat eremu bonbardatu ditu. Ez da zauriturik egon.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...