Albistea entzun

HITZ ETZANAK

Manga

Andoni Egaña -

2022ko urriak 2

Ez genien komiki deitzen. Tebeo deitzen genien. Eta bazuten balio bat, orduan oharkabean pasatzen zitzaiguna. Aulkiren baten jiran egonean, edo zain geundela, mutiko kuadrillan eskuz esku ibiltzen genituen, txandaka. Liburuak ez bezala, tebeoak kalera ateratzen ziren, eta kalean, konpartitu. Tebeo jabeak emango zion lehen begiratua eta gero, gainerakoen txanda iritsiko zen.

Esku bizkor batek tebeoa harrapatzen zuenean, harrapatu ezinean geratu zenari azalpena ematen zion sarri: «Ikusteko bakarrik da». Eta iragarpen horrek asko lasaitzen zuen itxaron behar zuena. Bazekien ez zela luzarorako. Eta denborarekin ikasi egiten zenuen nork irakurri egiten zuen tebeoa, eta nork ikusi bakarrik, eta ikusi bakarrik egiten zuenak beti egingo zuen ikusi bakarrik, ez zen irakurtzen deskuidatuko. Ez zitzaizun buruan sartzen irakurtzen jakinda «ikusi bakarrik» nola egin zitekeen, baina guztiok desberdinak garela konturatzen hasteko modu bat zen...

Mangazaletasunak gorantz egin duela irakurri duzu egunkari honen azken orrian. Ez duzu inoiz marrazki japoniarrekiko interes berezirik sentitu. Gustatuko litzaizuke gustatzea, baina ez da kasua. Eta jabetzen zara, aspaldidanik datorkizula gabezia. Tebeoak «irakurtzeko bakarrik» harrapatzen zenituenetik seguraski.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.