HITZ ETZANAK

Patua

Andoni Egaña -

2020ko ekainak 28

Ez dakit den Historia edo istorioa. Bigarrenetik gehiago izango du segur aski.

Ba omen zen buruzagi militar erromatar bat Marcelo izenekoa. Kartagotarren aurkako gudan oso gutxitua eta etsia omen zeukan bere gudari saldoa. Aurrera egin eta azken borrokaldia jokatu edo atzera jo ihes. Erabakia hartu beharra zegoen. Bildu zituen bere gerlariak eta erabakia Jainko-Jainkosen esku uztea erabaki zuela iragarri zien. Txanpona airera bota eta alde bat irtenez gero gerrara joko zuten eta bestea irtenenean, etxera. Borrokarako deia egin zien txanponak. Eta gerlari gutxitu eta etsi haiek, patuaren esanetan itsu-itsuan sinisturik, irabazi egin zuten borrokaldi hura. «Ez da giza indarrik patuaren kemenari aurre egin diezaiokeenik», bota zion harro bere kapitainetako batek Marcelori garaipena ospatzeko egin zuten afarian. Marcelok ez zion deus erantzun. Irribarre egin zuen. Sartu eskua sakelan eta txanpon trukatua erakutsi zion. Bi aldeak zituen berdinak...

Hauteskunde kanpaina abian da. Inoiz baino nabarmenago, tropa gutxitu eta etsi bati zerbait-nolabait sinistarazteko garaia. Baina hau ez da istorio soil bat. Eta gu ez gara erromatar haiek bezain sineskorrak. Edo bai. Eta oraindik Marceloren bat ibil daiteke inguruetan sakelan txanpon trukatua gorderik daukana.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna