Albistea entzun

HITZ ETZANAK

Hotzak

Andoni Egaña -

2021eko azaroak 7

Inspirazioaz mintzo zen Leoni. Kontatzen zuen kosta egin zitzaiola jabetzea. Ikusten zuela senarra bakartua, ukondoa mahaian tinkatu eta eta esku bat matrailean zuela. Eta tarteka egiten zuela ahoaz halako hots bat, hausnartua ontzat emanaz bezala. Kosta egin zitzaiola jabetzea, kontatzen zuen. Jarrera horretan zegoela afaritara deitu ziola behin, eta sekulako haserrealdiaz erantzun ziola senarrak, Xalbadorrek. Ulertu omen zuen gerora Leonik zer zen inspirazioa. Eta eza ere bai. Eta Odolaren mintzoa-n argia ikusiko zuten bertso haiek ekarri ezinik sumatzen zuenean, berak sosegatzen omen zuen senarra, etorriko zitzaiola etorriko noizbait, esanez.

Etxe-giro egin du egunotan. Juanmi Gutierrezek 1981ean egindako Xalbador, gaztain kormutxa dokumentala ikusteko giro aparta. Iragan-mina eragiten duen eguraldia. Hoztu egin zela esanda urrundu omen zen Xalbador bere heriotza egunean beste bertsokideengandik. Inspirazio uneren bat igual izango zuela pentsatuko zuten hauek. Ez zutela molestatu behar poeta, afaritarako ze plan zegoen galdetzeko ere goiz zela oso.

Gaur bezalaxe, duela 45 urte, azaroaren 7a igandearekin heldu zen. Hotz egin behar luke gaur. Benetako hotza. Tarteka bizkarrezurrean hotzikara eragiten duen hotz klase hori.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.