Albistea entzun

Asier Amondo. Korrikaren koordinatzailea

«Euskaltegien beharrak mahaigaineratu ditugu; bultzadatxoa behar da»

Urtebete atzeratu da 22. Korrika, eta Amondok esan du horren ondorioz AEK-k ezin izan dituela aurrerapauso batzuk eman. Guztien inplikazioa azpimarratu du, eta euskaltegiak beharrezkoak direla nabarmendu.
MARISOL RAMIREZ / FOKU Tamaina handiagoan ikusi

Amaia Ramirez de Okariz Kortabarria -

2021eko martxoak 30

Aurten ezin izan da Korrika egin, baina euskararen aldeko aldarriz bete ziren herenegun kaleak, ekinbidea amaituko litzatekeen egun berean. Asier Amondo koordinatzaileak (Laudio, Araba, 1969) adierazi du herrietan egindako ekitaldiak «txukunak» izan direla, eta AEK-ko euskaltegien oihua entzun dela. Etorkizunera begira ere badaude, 22. Korrika noiz egingo den iragarri baitute: 2022ko martxoaren 31tik apirilaren 22ra.

Korrika ez, baina ekitaldiak egin dira. Zein da balorazioa?

Ona. 80 herritan egon ginen, gutxi gorabehera, eta, segurtasun neurriengatik jendetza batuko ez zela jakin arren, euskaltegien oihua entzun zen. Beharrak mahaigaineratu ditugu; bultzadatxo bat behar da helduen euskalduntzean eta alfabetatzean. Baina baita beste eremu batzuetan ere, hala nola formakuntza proiektuetan. Euskara lau pareten artean sartuta eduki dugu urtebetez, eta kalea galdu dugu. Hala ere, «euskara jalgi hadi» plazara esan genuen karrikak berreskuratzeko, eta lortu genuen.

Ez da ohiko ikasturtea izan.

Arraroa izan da; berezia. Baina eskolek funtzionatu dute, eta ikasturtea amaitzera goaz. Ez nuke eskua sutan jarriko esanaz ikasturtea normaltasun minimo batzuekin egingo genuenik, baina ikasleei dagokienez, esaterako, pentsatzen genuen matrikulazioa jaitsiko zela, baina ez da horrenbesterako izan. Ikasle batzuk galdu ditugu, hainbat pertsona mesfidati daudelako, baina ea datorren ikasturtean horiek lortzea berreskuratzen dugun.

Zergatik dira euskaltegiak beharrezkoak?

Euskal herritarren %55 erdalduna da, eta, beraz, oraindik lana dago egiteko. Hori dela eta, euskaltegien etorkizuna ziurtatu beharko genuke, baina horretarako hitz egin beharko litzateke gure hizkuntzaren irakaskuntzaren doakotasunaz eta euskaltegien egoera normalizatu beharraz, lanaren aitortza bat ere egin behar baita. Hainbat gauza aztertu eta konpondu behar dira.

Agintari politikoak mugiarazi beharra ere aipatu duzue.

Inplikatu egin behar dira, instituzio guztietatik, baina haien eran, baita eragileak eta norbanakoak ere. Konpromisoak hartu behar dira. Hau denon lana da, eta guztion inplikazioa behar da euskararen alorrean aurrera egin nahi bada.

AEKn zer eragin izan du Korrika ez egiteak?

Ezin izango ditugu aurrerapauso batzuk eman. Korrikatik ateratako dirua batez ere Euskal Herriko irakasleok baldintza berdintsuetan lan egiteko baliatzen genuen, baina aurten ezingo dugu horrelakorik egin. Hala ere, espero dezagun 2022an Korrika normaltasunez egitea, eta aurten inbertitu ezin izan duguna datorren urtean inbertitzea.

Kanpaina bat ere abiatu da, euskaltegiak bultzatzeko.

Kanpaina xumea izan da. Izurrite honek hainbat bihurtu gaitu zaurgarri, eta inguruko jendea ez dago gu baino askoz ere hobeto. Euskal gizarteari dei egin genion elkartasunerako, egoera ekonomikoa pixka bat konpontzeko, eta erantzuna heltzen ari da. Kredituak ere eskatu behar izan genituen ikasturte honetarako. Beraz, ea pixka bat normaltasunera bueltatzen garen, eta eskolak berme batzuekin eman ahal ditugu. Ea Korrika ere egin genezakeen.

Zer ekarpen egiten du Korrikak?

Korrikak egiten duen sustapen lana itzela da. Herri oso bat jartzen du martxan euskararen alde. Egia da hark duen epikotasuna aurten galdu egin dela neurri batean, plazak eta errepideak ere ez ditugula izan, baina beharrezkoa da. Egoera ona balitz ere egin beharko genukeen ekimen bat da, Euskal Herriak merezi duen saria; hainbatentzat oso garrantzitsua da. Egun ez dut uste 40-50 urte artean dituen pertsona batek Korrika gabeko Euskal Herri bat imajinatu dezakeenik. Beraz, espero dugu datorren urtean Euskal Herriko txoko gehienak zapaldu ahal izatea, eta euskararen aldarria errepideetara eramatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Muxikan (Bizkaia), Undabaso eremuanlandatzen ari diren sailetako batzuk. ©OSKAR MATXIN / FOKU

Zerbait gertatzen ari da Undabason

Igor Susaeta

Tokiko ekosistemak eta bioaniztasuna leheneratzeko asmoarekin, Lurgaia fundazioak helburu du Urdaibaiko biosfera erreserbako harizti mistorik handiena sortzea. Dozena bat urteko lanaren ondoren, jada 163 hektarea kudeatzen ditu Muxikan, 'Undabaso' deitu dioten gunean. Hasiak dira eremu horretan prozesu ekologiko batzuk antzematen.
Itsasondo. ©Ariane Vierbücher

Lurra, interes publikoaren mesedetan

I. Susaeta

Itsasondoko Udala duela dozena bat urte hasi zen lursailak erosten. Alkatearen esanetan, «herritarrek erabiltzeko moduko mendiak» nahi dituzte. Etorkizunean lurrak izango duen garrantziaz ohartarazi du.
Guardia Zibila, kanpaldia egiten ari zirenengana gerturatzen. ©IÑIGO URIZ / FOKU

Kanpaldia egiten segitu nahi dute Aroztegiko proiektua gelditu arte

Irati Urdalleta Lete

Guardia Zibila hiru aldiz agertu da. Lekarozen elkarretaratzea egin dute, 228 etxebizitza, hotel bat eta golf zelaia eraikitzeko proiektua gelditzeko
Anbulantziak, Donostia ospitaleko larrialdietarako sarreran. ©GORKA RUBIO / FOKU

Ospitaleetako presioak ez du etenik, positiboen hazkundea apaldu arren

Ion Orzaiz

116 pertsona erietxeratu dituzte COVID-19ak jota, eta 182 gaixo larri daude ZIUetan. 985 kasu atzeman dituzte, eta positibo tasa %7,9 da

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.