LARREPETIT

Hazilean

Iñigo Aranbarri -

2019ko azaroak 3

Lurra aski tolesten denetan, ez da aukerarik galdu hilerriak bizidunengandik aparteko gainetan egiteko. Eta bertan nabilela, orain ez aspaldi arte kalean ondoan izan ditudanen izen-argazkien artean, historiak arrastaka eraman dituen urteek naute zafratzen. Hemen dago gozo zaindu izan nauen herria; hemen bihotz-begietaraino amorrarazi izan nauena, balio batzuk eman eta beste batzuk gorrotarazi dizkidana. Hemen urteetako bizikizunak eta gatazkak lurpetik hizketan, ohean bakean hil direnak eta odoletan kalean edota fabrikako zoruaren gainean, lorez jantzita gehienak egunotan.

Hemen diren denek sentitu dute nola astindu dituen bizitzea egokitu zaien garaiak. Berak ere izan ziren inoiz tarteka zoriontsuak estimatu izan zuten jendearekin, berak ere goibeldu egin zituen ezbeharrak, artegatu beldurrak. Funanbulista izan ziren nekearen eta seguru bizi-nahiaren harian. Batzuek, beren buruari gehiegi begiratu gabe, jendarte hobe baten alde eman zuten zirena. Askok, beren buruari begiratuta ere, ingurukoak zaintzen xahutu zuten bizialdia. Ezagutu ditut, haiek maitatzen ikastea ere bada bizitzen jakitea. Ez da museo bat hilerria, baina hutsa behar du aldian behineko bisitariak barruak inarrosita heltzeko kanpoko atera. Hazilean gaude, euria dakar haize epelak.

Nahiezta ere, ezinezkoa zait hostoz jantzitako maldan behera noala, belaunaldietan ez pentsatzea, zikloetan, ixten diren eta zabaltzen ditugun leihoetan. Nola aldatu den bizimodua, nola mudatu diren egunerokoari begiratzeko erak, ametsak, ilusio kolektiboak. Geuk ere zertan ez dugun asmatu sasoikoago izan garenean, zertan izan garen itsu, zertan argi. Zaputzean laketu ez gaitezen baina, behar dugu gu izan ez garen horretan ere sinestea. Halako batean, lagun baten mezua poltsikoko telefonoan: Durangon dago, hiru egunetarako joanda beste hiru mila emakumerekin batera, Landakoko jardunaldietan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna