Albistea entzun

21. Korrika. Helduen euskalduntzea. IRITZIA

Euskalduntzearen zenbakien talaiatik

MONIKA DEL VALLE / FOKU Tamaina handiagoan ikusi

Josu Perales - HABEko teknikaria

2019ko apirilak 14

Helduen euskalduntzea apurka-apurka, baina etengabe, aldatuz joan da urteen poderioz. AEK siglek Alfabetatze Euskalduntze Koordinakundea adierazten dute, eta HABE siglek ere Helduen Alfabetatze eta Berreuskalduntzerako Erakundea esan nahi dute; bi-bietan alfabetatze hitza dago, baina esan daiteke egun ez dagoela alfabetatzeko talderik euskaltegietan. Euskal herritar gazteak Hezkuntza sisteman alfabetatzen ari dira, D eta B ereduetan batez ere.

1976/1977 ikasturtean AEK-k jasotako ikasle-fitxak aztertu zituen Siadecok (1978). Egindako txostenean Euskal Herri osoan euskara ikasten ziharduten 30.000 helduren berri eman zen. Ikasleria-motari dagokionez, gehienak oso gazteak ziren; Hegoaldeko lau lurraldeetako datuen arabera, ikasleen % 52 15etik 24 urtera bitartekoak ziren, eta bazegoen 15 urtetik beheragoko ikaslerik ere; %60 emakumezkoak ziren; % 47 ikasle jendea ziren, eta % 53 enplegatuak. Datuak AEKrenak ziren soilik, baina ibili zen euskara-ikasle gehiagorik garai hartan: EUTG, IPES, Ikastoletako umeen gurasoentzako taldeak, Donostiako Udalaren Escuela de declamación vascaEuskal Iztundea, Lazkaoko eskolak, eta abar, eta abar.

41 urte horien joanean zenbait zifrak ez dute gorabehera handirik izan; beste batzuek, berriz, zeharo itxuraldatu dute lehengo argazki hura. Orain, 35.000 heldu inguru ari dira euskara ikasten urtero EAEko euskaltegietan. Kopurua guztira handiagoa da, noski, kontuan hartu behar baitira Nafarroa, Iparraldea, eta gero eta ugariagoak diren Euskal etxeetako taldeak, estatukoak nahiz bestelakoak: Txile, Argentina, hainbat unibertsitatetako lektoregoak, eta abar.

EAEko ikasleen profilari begiratuta, berriz, emakumezkoek nagusi izaten jarraitzen dute: %65,71. Adinari erreparatzen badiogu 38,61 urte dituzte, batez beste, oraingo ikasleek —garai batekoak baino helduagoak—. Eta irakasleetan ere halatsu. 1.350 irakasle inguru ari dira eskolak ematen euskaltegietan, batez beste 45,72 urte dituztelarik.

Datu horiekin batera, esatekoa da euskara-ikasle gehienek goi-mailako ikasketak dituztela eta euskara-irakasleriaren prestakuntza-mailak ere nabarmen egin duela hobera. Duela 25 urte pentsaezina izango zen 600 bat irakaslek, nork bere mailaren inguruan eta euskarri telematiko baten bidez, beren ebaluazio-irizpideak bateratu ahal izango zituzketenik. Aro digitalean, ordea, egingarria da oso. Teknologiaren sarrerak bultzada handia eman dio euskalduntzeari.

Laburtuz, euskalduntzearen baitako ikasle eta irakasleak gero eta adinduagoak dira eta, horrekin batera, irakasleen prestakuntza-maila gero eta handiagoa ere bada. Emakumezkoak gehiago dira gizonezkoak baino. Bestetik, B2, C1 eta C2 mailetan matrikulatuak apurka-apurka nagusitzen ari zaizkie A1, A2 eta B1 mailetan matrikulatuei, hots, gutxiago dira gaur egun huts-hutsetik hasten diren ikasleak, asko eta asko zerbait jakinda datoz eta. Ikastaroen trinkotasuna —eguneroko eskola-ordu kopurua— bigundu egin da. Ordenagailuz lagunduta ikasten dihardutenak, autoikaskuntza bidezko ikasleak alegia, 4.237 dira jadanik. Etorkinak ere gero eta gehiago dira: % 7. Bestetik, baieztatu daiteke alfabetatzeko taldeak desagertu direla, euskararen jatorrizko hiztun askok eta askok aukera izan dutelako Hezkuntza sistemaren bidez D eta B ereduetan eskolatzeko. Bukatzeko, euskaltegian ikasitakoa ingurune naturalean erabili ahal izateko aukerak ere ugaritzen ari dira Berbalagun, Mintzalagun eta tankera bertsuko egitasmoen bidez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Zentro Sozialista hustu duteneko irudi bat, gaur. ©Gedar

Legutioko Zentro Sozialista hustera joan da Ertzaintza, eta bi lagun atxilotu ditu

Berria

Istiluak izan dira. Mugimenduko Sozialistako kideen esanetan, «hogei pertsona inguru» zauritu dituzte agenteek. Bi lagun atxilotu dituzte.

Sare publikoaren aldeko protesta bat, artxiboko irudian ©Aritz Loiola / FOKU

EHIGE «oso kezkatuta» dago Jaurlaritzak itunpeko eskolen itunak berritzeko emandako aginduarekin

Irati Urdalleta Lete

Iruditzen zaie «ikastetxe pribatuen ezkutuko erreskate bat» dela ikasle gutxiago izanda ere itunak mantentzeko agintzea.

lGTBI komunitatearen harrotasun egunaren harira antolatutako manifestazioa, iaz, Iruñean ©Iñigo Uriz / Foku

LGTBI komunitatearen harrotasun egunarekin bat egin dute EAJk, EH Bilduk eta Ahal Duguk

Irati Urdalleta Lete

Zenbait eragilek manifestazioak antolatu dituzte gaur arratsalderako Hego Euskal Herriko lau hiriburuetan.

Eraso homofoboen aurkako manifestazio bat, Bilbon. ©ARITZ LOIOLA / FOKU

Genero autodeterminazioa ardatz duen lege proiektua onartu du Madrilek

Edurne Begiristain

Espainiako Ministroen Kontseiluak trans legea onetsi du. 16 urtetik gorakoek beren kabuz eskatu ahal izango dute sexu aipamena aldatzea

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...