Noiz sortua: 2020-02-09 00:30:00

Espetxe arloan gehiengo sozialari entzuteko eskatu diote Sanchezi

Etxerat-ek hainbat eragile politiko eta sindikal batu ditu, Madrili eskatzeko aintzat har dezala «gehiengoaren borondatea». EAJ, EH Bildu, EP, ELA eta LAB elkartu dira, besteak beste
Etxerat elkartearen ekimenez, Donostiako hotel batean batzartu ziren eragile politiko, sindikal eta sozial ugari.
Etxerat elkartearen ekimenez, Donostiako hotel batean batzartu ziren eragile politiko, sindikal eta sozial ugari. JON URBE / FOKU

Jon O. Urain -

2020ko otsailak 9

Euskal Herriko gehiengo politiko eta sindikalak atzo mezu bat bidali zion Espainian eratu berri den gobernuari. Etxerat euskal presoen senide eta lagunen elkarteak deituta, batzar bat egin zuten hainbat eragilek Donostian, eta manifestu bat adostu; besteak beste, eskatu zioten egungo espetxe politika moldatzeko eta aintzat hartzeko euskal gehiengo politiko eta sindikalaren borondatea: «Espainiako Gobernuan izan den aldaketaren ondoren, Pedro Sanchez adostasun sozialaren eta gehiengoen borondatearen partedun egin nahi dugu, 30 urtez martxan egon den eta martxan dagoen espetxe politika hau premiaz aldatzeko beharra dagoela ikusten dugulako».

Ezohikoa izan zen atzoko irudia, mahaiaren inguruan bildutako eragileei erreparatuta. Horien artean zeuden Joseba Egibar eta Irune Berasaluze (EAJ), Arnaldo Otegi eta Maddalen Iriarte (EH Bildu), Lander Martinez eta Jose Ramon Becerra (Elkarrekin Podemos), Amaia Muñoa eta Xabier Anza (ELA), Garbiñe Aranburu eta Gorka Berasategi (LAB), Raul Arza eta Daniel Gonzalez (UGT), Alfonso Rios eta Santi Martinez (CCOO), Iratxe Alvarez eta Felix Irizar (ESK), Miren Arregi eta Juan Zubia (Steilas), Maite Aristegi (Etxalde), Andres Gallego eta Floren Mariñelarena (CGT), Xabier Erauskin (CNT), Agus Hernan (Foro Sozial Iraunkorra) eta Inaxio Oiartzabal eta Elena del Puerto (Sare). Horiekin batera, Urtzi Errazkin eta Patricia Velez Etxerat-eko bozeramaileak.

Hiru puntuko adierazpen bat adostu zuten atzo batutakoek. Madrili eginiko eskariaz gain, Etxerat-ek eskerrak eman zizkien bilerara joandakoei: «Gaurko elkarretaratzean herri honetako eragile politiko, sindikal eta sozialen ordezkaritza zabala bildu izana eskertzen dugu. Presoen senide eta lagunen izenean, positiboki baloratzen dugu ahalik eta azkarren urrunketa amaitzeko eta, aldi berean, bakea eta bizikidetza demokratikoa lortzeko pausoak emateko erakutsitako gogo eta borondatea».

Bide baten berrespena

Euskal presoen aurkako sakabanaketa politika salatzeko alor instituzionalean eginiko bidean berretsi zuten beren burua eragile guztiek. Besteak beste, presoak urruntzearen kontrako adierazpenak onartu zituzten Eusko Legebiltzarrak eta Nafarroako Gobernuak 2018an, eta hirurogei udalek baino gehiagok gisa bereko mozioak onartu dituzte azken hilabeteetan. Horrez gain, sindikatuak indarrean dagoen espetxe politikaren aurkako elkarretaratzeak egiten ari dira hilero, eta etzi beteko da hilabete Bilbon eta Baionan milaka lagunek manifestazioak egin zituztenetik. «Azken urteetan eremu sozialean, parlamentuetan, batzar nagusietan eta udaletxeetan sakabanaketaren eta urrunketaren amaiera eskatzeko, hau da, espetxe politikaren aldaketaren alde egin diren akordio instituzional, politiko eta sindikal anizkoitzak berresten ditugu», adierazi zuten atzoko agirian.

2018ko ekainean heldu zen Pedro Sanchez Espainiako Gobernuko presidentetzara, eta berehala iragarri zuen espetxe politikan aldaketak egiteko asmoa. Haatik, espero baino mugimendu gutxiago egon dela ohartarazi zuen Etxerat-ek joan den astean: «Harrezkero, hurbilago dauden espetxeetara lekualdaketa batzuk egin dira, baina baita urrunago dauden espetxeetara ere. Gradu progresio batzuk ere egon dira, baina oso gutxi; gure senide presoen gehiengoak lehenengo graduan jarraitzen du, eta justifikaezinak diren isolamendu egoerak ere badaude. Espainiako Gobernuaren jarrera zalantzatia da».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 29an eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan lau pertsona hil dira COVID-19 gaitzaren eraginez, 22 positibo atzeman dituzte PCR probekin, eta bi gaixo ospitaleratu dituzte. Euskal Herrian 29.107 gaixok eman dute positibo guztira, koronabirusa atzemateko probaren bat eginda. Horietatik 2.056 hil dira. Grafikoak, albiste barruan.

Araban, Bizkaian eta Gipuzkoan Lanbide arduratuko da errenta berria banatzeaz. ©JUAN CARLOS RUIZ / FOKU

Iritsi da bizitzeko gutxieneko diru sarrera, muturreko pobrezia murrizteko

Irune Lasa

Espainiako Gobernuak diru saria onartu du, eta ekainean bertan hasiko da ordaintzen. Hegoaldean, Eusko Jaurlaritzak eta Nafarroako Gobernuak kudeatuko dute

Donostiako Zurriola hondartza, atzo. ©Gorka Rubio / FOKU.

Murgak ohartarazi du ezin direla errepikatu hondartzetan ikusi diren irudiak

Maddi Ane Txoperena Iribarren

Jende pilaketak saihesteko eta hondartzen erabilera «dinamikoa» egiteko eskatu du Eusko Jaurlaritzako Osasun sailburuak. Aisialdirako bada, garraio publikoa ez erabiltzeko eskatu du, «jende asko dagoenean».

Errepidea moztuta, Erratzu eta Baigorri artean. / ©Ekhi Erremundegi Beloki

Mugaren itxiera salatu dute Izpegiko gainean, Euskal Herriaren zatiketa salatzeko

Ekhi Erremundegi Beloki

Mugaren itxiera "jende soilarentzat" ezarri dutela salatu dute, eta birusari aurre egiteko bizia "hemengoratu" behar dela, Euskal Herrira ekarri.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna