Albistea entzun

Euskararen inguruko «akordio zabala» goratu du Olatz Garamendik

Jaurlaritzako Gobernantza Publikoko sailburua Lan Eskaintza Publikoko azterketen hasieran izan da. Administrazio publikoko hizkuntza eskakizunak arautzeko dekretua izan du hizpideetako bat
Garamendi, atzo, BECen, eskuinean; ondoan IVAPeko zuzendari Maite Berruetabeña du.
Garamendi, atzo, BECen, eskuinean; ondoan IVAPeko zuzendari Maite Berruetabeña du. BERRIA Tamaina handiagoan ikusi

Aitor Biain -

2022ko irailak 18

Administrazio publikoko hizkuntza eskakizunak arautuko dituen lege dekretuaren tramitazioa hasi baino ez dela egin esan zuen atzo Olatz Garamendi Eusko Jaurlaritzako Gobernantza Publiko eta Autogobernuko sailburuak Barakaldon (Bizkaia), martxan jarri duten LEP Lan Eskaintzan Publikoko azterketen hasieran. Azpimarratu zuen administrazio orokorrean euskararen erabilera normalizatzeko prozesua ezin dela «polemika iturri» izan, horren inguruko «akordio zabala» dagoelako gizartean. Jaurlaritzak aste honetan eman du argitara dekretuaren zirriborroa, eta, horretan jasotzen denez, lanpostu publiko bakoitzaren ezaugarrien araberako hizkuntza irizpideak ezarriko dira aurrerantzean. Hau da, hizkuntza eskakizunak «asimetrikoak» izan daitezke aurrerantzean, orain arte ez bezala, soslai linguistiko bakoitzari dagokion gaitasun guztiak eskatzen baitira. BERRIAk martxoan aurreratu zituen dekretu berriak ekarriko dituen berritasunak.

Arau berriak 1997tik indarrean dagoena eguneratu nahi du. Izan ere, Eusko Jaurlaritzaren iritziz, beharrezkoa da testu hori «garai berrietara egokitzea». Dekretuak jasotzen duen berritasunetako bat zera da: lanpostuen ezaugarrien eta behar komunikatiboen arabera, euskararen ahozko eta idatzizko gaitasun mailak bereizi egingo direla. Lanpostuen hizkuntza eskakizuna esleitzeko, bakoitzaren ezaugarrien eta komunikazio beharren inguruko azterketa bat egingo du dagokion erakundeak. Eta kontuan hartuko dira, halaber, langileek herritarrekiko harremanik izango duten eta harreman hori nolakoa izango den: ahozkoa, idatzizkoa edo mota bietakoa. Hala, soilik ahozko eta idatzizko gaitasun maila ezberdinak eskatzen dituztela ondorioztatzen den kasuetan izango da «tarteko hizkuntza eskakizuna» esleitzeko aukera.

Garamendik atzo azaldu zuen «lehenengo zirriborro» bat besterik ez dela, eta epea zabalik dela nahi duen orok egoki ikusten duen ekarpena egin ahal izateko. Nabarmendu zuen, hala ere, testu hori askotariko eragile eta erakundeek egin dituzten «ehun bilera baino gehiagoren» ondorio dela. Jaurlaritzak datorren urterako onartuko nahi du dekretua.

48.000 pertsona

Martxan jarri duten LEParekin «behin-behinekotasuna murrizteko» urrats garrantzitsua egingo dutela nabarmendu zuen atzo Garamendik. Orotara, 48.000 pertsonak baino gehiagok eman dute izena. Merituen bidez lortuko dute horietako askok lanpostuetarako ateak irekitzea, azterketarik egin gabe, legeak horretarako bidea emango baitu. Lehen deialdia da hau, baina atzetik beste bi helduko dira. Atzo hasi zen prozesurako 24.000 pertsona zeuden izena emanda. Atzo egin ziren etsaminetako emaitzak irailaren 22rako emango dituztela iragarri zuen Garamendik.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.