Albistea entzun

Ortuzarrek dio «euskal talde parlamentario bakarra» izango dela EAJ

Esan du parlamentari eta senatari jeltzaleak ez direla galduko «talde espainiarren artean», ez eta «talde parlamenario fake batean» ere
EAJko hautagaiak, Andoni Ortuzarrekin, atzo, Bilbon.
EAJko hautagaiak, Andoni Ortuzarrekin, atzo, Bilbon. BERRIA Tamaina handiagoan ikusi

Xabier Martin -

2019ko martxoak 31

«Madrilen bizi den hooligan girora» bidaliko dituen Kongresu eta Senaturako hautagaiak aurkeztu zituen Eusko Alderdi Jeltzaleak, atzo, Bilbon. Alderdiko presidente Andoni Ortuzarrek EAJ eta «Euskadi» lotu zituen estuki ekitaldi politiko horretan, eta nabarmendu EAJ Euskadiren ordezkatzailerik «eraginkorrena» dela; argi utzi zuen, halaber, Madrilen euskal talde parlamentario bakarra egongo dela: EAJrena.

«EAJ eta euskal taldea gauza bera dira Madrilen», esan zuen, baita Sabin Etxeak ez duela sekula izan hainbesteko eraginik ere Espainian, eta ozen esan zuen azken legegintzaldian «Rajoyk eta Sanchezek eman dutena» ez zutela emango «EAJ sendo bat» izan ez balitz. «Atera diegun guztia ez zen etorriko Euskadira izan ez bagina talde eraginkor bat».

Euskal Herrian ez ezik, Espainian ere hautagaiak dituzten alderdietan ezin dute esan «Euskadi dutela bakarrik azken helburu, EAJk esan dezakeen bezala». Alderdi espainiarrekiko aldea garbi utzi eta gero, Ortuzar EH Bilduri buruz aritu zen izenei erreparatu gabe, baina azpimarratu zuen euskal hautagai batzuk «talde parlamentario fake batean» galduko direla, «ez dakit zer alternatiba eraikitzeko».

Alerta laranja

Espainiako egoera politiko ezegonkorrari behin eta berriro erreparatu zion EAJko presidenteak, eta «mehatxu» hitza ahoskatu zuen. «Euskadiren autogobernuarentzat alerta laranja» ere egon daitekeela esan zuen. «Inoiz baino garrantzitsuagoa da soilik euskalduna den talde parlamentarioa eratzea Madrilen». Erantsi zuen «Euskadi» ez dela EAJrentzat «lanaldi partzialeko zeregin bat», EH Bildu ERCrekin egindako akordioa gogorarazi nahian.

Aitor Esteban EAJren parlamenturako Bizkaiko hautagaien zerrendaburuak esan zuen «irrintzi bat eta lau oihu botatzeko» ez dela askorik behar, baina Madril ezagutu behar dela han eragiteko.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Jakes Abeberri hil da, abertzaletasun mugimenduan erreferentea

Jone Arruabarrena - Ekhi Erremundegi Beloki-Ainize Madariaga

Enbata mugimenduaren sortzaileetako bat eta izen bereko aldizkariaren zuzendari izan zen Abeberri. 92 urterekin zendu da.

Foro Sozialak gonbidatuta, «Memorien elkarrizketa» proiektuan parte hartu duten boluntarioak, Nafarroako Parlamentuan. ©Iñigo Uriz / FOKU

Foro Sozialak 'Memorien elkarrizketa' proiektua aurkeztu du Nafarroako Parlamentuan

Ion Orzaiz

Indarkeriaz gogoeta egin eta «elkarrizketarako espazioak» sortzeko beharra aipatu dute.

Usurbilgo udaletxea. ©NOAUA

Usurbilgo Sagardia plazaren izena aldatzea exijitu du Espainiako Gobernu Ordezkaritzak

Xabier Martin

Joxe Martin Sagardia euskal errefuxiatua BVEk hil zuen 1980an, Miarritzen. ETAko ustezko kideen zerrenda batean dagoela esan dio udalari Espainiako Gobernu Ordezkaritzak, eta Terrorismoaren Biktimen Legea urratzen duela plazaren izenak.

Eneko Andueza eta Maria Txibite, bilera ostean. ©Berria

Sozialistak «ongizatearen berme» direla esan dute Anduezak eta Txibitek

Gotzon Hermosilla

PSE-EEk eta PSNk bilera egin dute, eta bi alderdien arteko «lotura estuak» nabarmendu dituzte.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.