Albistea entzun

Herri oso baten harrera xede

'Euskal Herria, harrera herria' lelopean, manifestazio bat egin dute Irundik eta Hendaiatik abiatuta. Inguruan hildako migratzaileak gogoan, haien eskubideak bermatzeko eskatu dute.

Migratzaileen defentsan egindako manifestazioa, atzo, Irunen.
Migratzaileen defentsan egindako manifestazioa, atzo, Irunen. JAGOBA MANTEROLA / FOKU Tamaina handiagoan ikusi

Irati Urdalleta Lete -

2021eko maiatzak 30 - Irun

«Pertsona baten bizia da; ez gara migratzaile batez hitz egiten ari, pertsona baten galeraz hitz egiten ari gara».Beste migratzaile baten hitzak dira, Ibrahima Diallorenak, iragan den larunbatean Irundik (Gipuzkoa) Hendaiara (Lapurdi) igarotzen ari zen migratzaileari buruz atzo esandakoak. Euskal Herria, harrera herria lelopean, manifestazioa egin zuten Irundik eta Hendaiatik bi herriak batzen dituen Santiago zubira, Irungo Harrera Sareak eta Diakite, La Cimade eta Etorkinekin elkarteek deituta. Antolatzaileen arabera, 3.000 lagun bildu ziren migratzaileen eskubideen alde.

 

Irungo zutabean, pankartari eusten zihoan Diallo, eta bertan izateko arrazoiak argi zituen: «Borrokara etorri gara, mugan gertatzen ari dena salatzera». Badaki zer den migratzea, Guineatik etorri baitzen Euskal Herrira. Azaldu zuenez, muga «hogei aldiz»saiatu zen gurutzatzen, baina itzularazi egiten zuten. Horregatik, muga «lasai gurutzatzeko aukera» izan behar dutela azpimarratu zuen. Bereizketak alde batera uztea ere nahi du: «Jendea beti ari da pentsatzen beltza den edo zuria; printzipioz, gizakiak gara»

Europako agintariei nahiz euskal herritarrei zuzendu zitzaien Diallo. Lehenengoei esan zien kontuan hartzeko migratzaileak ez datozela «gustuz bakarrik»: «Batzuen bizitza mehatxupean dago euren herrialdeetan, eta horregatik gatoz hona». Bigarreneni, berriz, informatuta egoteko esan zien: «Ez dakit beraiek ez dakiten edo ez duten jakin nahi, baina niretzat gaur egun Afrikan, Asian edo Ameriketako Estatu Batuetan zer gertatzen ari den jakitea errazagoa da, Internet daukagulako».

Metro batzuk aurrerago zegoen Diadie Bea, Inor ez da ilegala jartzen zuen pankarta eskuan. Senegaldarra jaiotzez, zazpi bat urte daramatza Euskal Herrian. Pertsona guztiek eskubideak dituztela nabarmendu zuen, eta ez zuen ulertzen zergatik batzuei muga gurutzatzen uzten dieten eta beste batzuei ez: «Hemen bizi den pertsona guztiek daukate askatasuna nahi duten bezala mugitzeko»

«Eskubide guztiak denontzat» eta «arrazakeriak hil egitengaitu» oihuartean, batukada doinuek gidatu zituzten Irundik zihoazen manifestariak Irun eta Hendaia arteko Santiago zubiraino. Bertan batu ziren herri batetik eta bestetik zetozen zutabeak. Usu egoera bestelakoa bada ere, atzo ez zegoen Guardia Zibilaren edo jendarmeen kontrolik, eta guztiak elkarrekin gerturatu ziren Ficobaraino. Bertan, hainbat aldarriren berri eman zuten Oihana Galardik, Anaitze Agirrek eta Lutxi Bortairuk antolatzaileen izenean. «Gu leku askotan hartu izan gaituzten bezala, guk ere harrera berdina zor diegu hona datozenei».Horretarako, politikariei eta erakundeetako ordezkariei «euren zereginei ardurari»heltzeko eskatu zieten, lanari «serio eta erantzukizunez» heltzeko eta «hitzetatik ekintzetara pasatzeko» «Entzun herritarrei eta jokatu besteek zuekin jokatzea nahiko zenuketen bezala, izan benetan herri honek merezi dituen ordezkariak eta erakutsi edonoren bizitzaren alde zaudela».

Harrera «duin» eske

«Benetako gizarte eta harrera politikak» beharrezkotzat jo dituzte: «Gizonak, emakumeak, haurrak... Gu bezalako pertsonak dira Poliziak eta politikek erasotzen eta ehizatzen dituztenak. Mamadou, Aicha, Ibrahim, Mardelle dira. Bizitza hobeago baten bila etortzea ez da delitua. Arriskutik ihesi datoz, bidaia luzea egin dute, eta harrera duin bat merezi dute». Gogoan izan zituzten duela astebete Bidasoako urtean itotako migratzailea eta duela hilabete bere buruaz beste egin zuena. «Yaya Bidasoan hil zen duela astebete. Orain hilabete bere buruaz beste egin zuen gaztearen izena ez dakigu, baina ez ditugu ahaztuko. Eta, batez ere, ezin dugu onartu beste inorhiltzea». Nabarmendu zuten migratzaileen heriotza ez dela normalizatu behar: «Ez duzue nahiko Bidasoa heriotza muga bihurtzea, ezta?».

Maialen Lujanbio bertsolariak eman zion bukaera manifestazioari. Hala aldarrikatu zuen bertsoz: «Europaren arazo al da nor jasoa?/ Ez al zaigu ahazten lehen han jazoa?/ Gerrak, arpilatzeak eta erasoa/ ondorioa dena ez da arazoa». Migratzaileen eskubideak bermatzeko eskatu zuen: «Dabiltzanen nor jasoa / dabiltzanen nor jasoa / eta eskubide osoa / denontzat bideak libre / eta bideetan pausua/ bideetan libre pausua / eta itsasora Bidasoa».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ertzaintzak egindako ikerketaren zenbait pasarteren irudiak. ©BERRIA

Ertzaintzak lurralde antolaketaren aurkako delitua ikusi du Zaldibarren

Iñaki Petxarroman

Durangoko epaitegiari helarazitako ikerketa baten arabera, zegokion baino lur eremu zabalagoa erabili zuen Verter Recycling SM enpresak, Jaurlaritzaren eta Zaldibarko Udalaren baimenik gabe
 ©MARISOL RAMIREZ / FOKU

«Osatu dugu minbizia? Oraindik ez, baina asko laguntzen ari gara»

Irati Urdalleta Lete

Aparteko kezka sortzen duen gaitza da minbizia, eta hori ikertzen aritzen da Zubiaga. Gaixoen biziraupena hobetuko bada, hiru norabidetan lan egiteko beharra ikusten du: diagnostiko goiztiarra, terapia zuzenduak eta txertoak.
AHTaren aurka 2010ean eginiko manifestazioa, Hendaia eta Irun arteko zubian. ©BOB EDME

Trenbidearen berritzea, abiadura lortzeko

Garazi Aduriz Zuñeda

Bordeleko, Baionako eta Irungo auzapezek trena berritzearen aldeko deia egin zutenetik, AHTaren eztabaida pil-pilean da Ipar Euskal Herrian. AHTaren aldekoak zein trenbidea berritzearen aldekoak beren argudioak mahai gainean jartzen ari dira proiekturik eraginkorrenaren bila.
Zaldibarko zabortegia amildu ostean bertan egin zituzten bilatze eta egonkortze lanen irudi bat. ©JAVIER ZORRILLA / EFE

Zabor azpiko 124 igerilekuak

Imanol Magro Eizmendi

Verter Recyclingek eskaturiko txosten baten arabera, amildu zenean 300.000 metro kubo ur zeuden zabortegiaren barruan. Egileen ustez, baina, ez zuen eraginik izan hondamendian.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.