Albistea entzun

Ibaizabalen hilotz agertu den gazte baten heriotza ikertzen ari dira

Bizkaiko Diputazioak adingabe migratzaileei arta emateko duen zentro batean bizi zen. Galdakaon aurkitu zuten gaztea, hilda

Uxue Rey Gorraiz - Oihana Teyseyre Koskarat -

2022ko urtarrilak 23

Eusko Jaurlaritzako Segurtasun Sailak atzo jakinarazi zuenez, joan den asteazkenean gorpu bat aurkitu zuten Ibaizabal ibaian, Galdakao (Bizkaia) inguruan. Emandako datuen arabera, hildakoa adingabe bat zen, eta Bizkaiko Foru Aldundiaren harrera sarearen barruan zen. Migratzaile adingabeei eskainitako harrera zentro batean bizi zela baieztatu zuten atzo hainbat hedabidek, diputazioak berak datu hori baieztatu zuela adierazita. Adierazi zuten Galdakaon bertan dagoela zentro hori, eta «behin-behineko arreta» ematen ari zitzaizkiola aldundiaren ardurapeko zerbitzuan, gaztearen adina egiaztetzeko prozesua osatu bitartean.

Ertzaintzak ez du gertatutakoaren gaineko informazio gehiagorik eman oraingoz. Ikerketa zabalik dute gaztea nola hil zen argitze aldera. Hedabideetan zabaldu denez, bada hipotesi bat: gaztea Poliziarengandik ihesi ari zenean, ibilgailu batetik bota zuen bere burua. Ondoren agertu zen Ibaizabalen hilotz. Hainbat iturriren arabera, gorpua agertu zenerako, denbora dezente zeraman ibaian.

Atxilotu bat Lapurdin

Ez da migratzaileen artarekin lotutako albiste bakarra izan. Herenegun, Frantziako Poliziak Etorkinekin taldeko kide bat atxilotu zuen; migratzaile batzuk bere autoan garraiatzea egotzi zioten. Frantziako Aireko eta Mugetako Poliziaren egoitzara eraman zituzten denak, eta Etorkinekin taldeko kidea 24 orenez atxiki zuten bertan, atzo arratsaldean askatu zuten arte. Migratzaileak Irunera (Gipuzkoa) igorri zituzten atxilotu eta berehala. Ez da lehen aldia Lapurdin Frantziako Poliziak elkartasun elkarteetako kideak atxiloaldian ezartzen dituela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Hiru lagun Lezetxikin, urtarrilaren 28an, AHTaren tunela atzean dutela. ©Besaide mendi elkartea

AHTaren tunel bat Lezetxiki barruan egin dutela salatu dute

Paulo Ostolaza

Euskal Herriko giza aztarnarik zaharrenak topatu diren lekua da Arrasaten (Gipuzkoa) dagoen kobazulo hori. Arrasate inguruko espeleologia zaleen talde batek egin du salaketa.

Maite Peña Gipuzkoako Gizarte Politikako diputatua, artxiboko irudi batean. ©BERRIA

Nazioartean bilatzen ari dira Donostian «lapurturiko» umea

Berria

Foru Aldundiaren tutoretzan ordu batzuk zeramatzanean eraman zuten haurra. Ama biologikoak eraman zuela uste dute

Eraso homofobo bat salatzeko elkarretaratzea, artxiboko irudi batean. ©Marisol Ramirez / Foku

Eraso homofobo bat salatu dute Barakaldon

Berria

Barakaldoko Udalak jakinarazi du asteburuan izan zela erasoa. Elkarretaratze bat egingo dute bihar.

Bidaiari batzuk, Donostiako autobus geltokian. ©GOTZON ARANBURU

Ibilbide luzeko autobusak doakoak dira jada Hego Euskal Herrian ohiko bidaiarientzat

Jone Arruabarrena

Bidaiariek fidantza bat ordaindu beharko dute, eta gutxieneko bidaia kopuru bat egiten dutenean itzuliko zaie dirua

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.