Albistea entzun

«Espainia federal batean egongo den Euskadi» nahi du PSE-EEk

PSE-EEk bederatzigarren kongresuan eztabaidatuko duten txosten politikoa aurkeztu du. Azaroaren 20an eta 21ean egingo dute
Gil, Retortillo eta Blasi, atzo Bilbon egindako agerraldian.
Gil, Retortillo eta Blasi, atzo Bilbon egindako agerraldian. ARITZ LOIOLA / FOKU Tamaina handiagoan ikusi

Irati Urdalleta Lete -

2021eko irailak 12

PSE-EE bere bederatzigarren kongresura begira jarrita dago. Atzo aurkeztu zuten kongresuan eztabaidatuko duten txosten politikoa hura osatzeko prozesuan koordinatzaile lanetan aritu diren Begoña Gilek, Alfredo Retortillok eta Pau Blasik, Bilbon egindako agerraldian. Bertan, «Euskadi sendo eta segurua» defendatu zuen Retortillok, «Espainia federal baten eta Europa federal baten barruan» egongo dena. Ondo bidean, azaroaren 20an eta 21ean egingo dute kongresua.

Aurkezpenean bezala, testuan ere federalismoa defendatu dute, mende honetako erronkei aurre egiteko modurik onena delakoan: «Uste dugu eredu federala dela batasuna lortzeko bidea, nazioen eta erregioen aniztasuna eta espezifikotasunak errespetatuz». Erabakitzeko eskubideak, berriz, «Erdi Aroko erresumen mundu batera» itzultzea dakarrela ohartarazi dute. Gainera, independentzia lortuz gero, «automatikoki» Europako Batasunetik kanpo geratuko litzatekeela nabarmendu dute.

Bestelako hainbat gai ere landu dituzte txosten politikoan. Haien hitzetan, COVID-19ak agerian utzi du zaintzak duen garrantzia, eta PSE-EEk adierazi du «beste zaintza eredu bat» sortu behar dela, «familian oinarrituko ez dena eta feminizatua egongo ez dena». Osasun sistema publikoak ere «bultzada bat» behar duela uste dute, eta hori PSE-EEk soilik gida dezakeela.

Aldaketak zerga sisteman

Ekonomiaz ere aritu dira testuan: «Ekonomia berritzaile, jasangarri eta inklusibo baten alde lan egingo dugu, zeinak zientziaren eta ikerketaren aldeko apustua eta finantzaketa publiko argia bultzatuko duen». Erantsi dutenez, trantsizio ekologikoa eta digitala «funtsezko bektoreak» dira industria politika berrian. Beharrezkoa iruditzen zaie zerga sistema «modernizatzea» ere, «hazkundea inklusiboa eta jasangarria» izan dadin, eta ezinbestekotzat dute ingurumen fiskalitatea klima larrialdia kudeatzeko.

Hezkuntzari ere erreparatu diote. Besteak beste, esan dute garaia dela eredu elebidun batetik hirueledun batera igarotzeko.

Ezker Anitzak, berriz, hamargarren asanbladara deitu du. Dokumentu politikoak jasotzen duenez, « Elkarrekin Podemos-IUk Euskadin duen esparru politikoa» indartu asmo dute.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Nerea Kortajarena EH Bilduko legebiltzarkidea hitz egiten hasi aurretik, atzo. ©BERRIA

EAJk eta PSEk oposizioaren zenbait zuzenketa partzial onartuko dituzte

Xabier Martin

30 milioi euroren balioa dute aurrera aterako diren proposamenek. EH Bilduk dio «errealitateak aurrean eraman» duela gobernua. EP-IUk «EAJren eredu politikoari» egin dio osoko zuzenketa
 ©GUILLAUME FAUVEAU

Ezkerreko abertzaleen Bil Gaiten talde politikoa aurkeztu dute 27 hautetsik

Ekhi Erremundegi Beloki

EH Baiko hautetsiek bultzatu dute elkargoko taldea, baina guziak ez dira barne izango. Hautetsien lana «errazteko» beharra nabarmendu dute

Aingeru Zudairek begi bateko ikusmena galdu zuen pilotakada baten ondorioz, artxiboko irudia ©Jagoba Manterola / Foku

Aingeru Zudaireren kasua aztertu zuen epailea Gironara lekualdatu dute

Isabel Jaurena

Fermin Otamendi magistratuak Nafarroako zenbait kasu esanguratsuren ikerketan parte hartu du: garbitzaileen sektoreko protesten ondorioz egon ziren atxiloketak, 'Osasuna auzia', 'Cervera auzia', 'Davalor auzia' eta Aingeru Zudaireren kasua.

Peio Etxeleku, lehen planoan, Elkarrekin Herriarentzat taldearen aurkezpenean. ©BOB EDME

«Pisua izan nahi dugu erabakietan, zatitu gabe»

Ekhi Erremundegi Beloki

Euskal Hirigune Elkargoan ikusten dituzten «akatsak» konpontzeko «kontsentsuak» lortu nahi ditu Etxelekuk talde politikoa sortuta. Baina «gehiengoak mugitu» daitezkeela dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.