Etxerat-en iritziz, egoera «jasanezina» da Euskal Herritik urrun dauden presoentzat eta haien senideentzat. Horren erakusle, joan den asteburuan bi familiari gertatutakoa: euskal presoen senideen elkarteak jakinarazi duenez, bi familia baimenekin joan ziren Villenako kartzelara (Alacant, Herrialde Katalanak) eta Soto del Realekora (Madril, Espainia), baina, horietara iritsita, adierazi zieten bisitak bertan behera geratu zirela, atzemandako COVID-19 kasu batzuengatik. «Alferrik egindako 1.400 eta 1.000 kilometroko bi ibilbide», salatu du euskal preso en senideen elkarteak.
Soto del Realen, bisitarik ez
Etxerat-ek jakinarazi du, gainera, aurreko asteburuan Soto del Realeko mintzategiak itxi zituztela: «Horrek bertan preso dauden hiru euskal presoekin edozein komunikazio izatea eragotzi du».
Etxerat-ek salatu du 2.400 kilometro «alferrik» egin dituztela
Iruzkinak
Ez dago iruzkinik
Ordenatu