Sara guztien alboan egoteko

Feminista independentistek Majarenasen auzia salatu dute. Igandean manifestazioa Donostian
Euskal emakume feminista, ezkertiar eta independentistak, atzo, Donostian egindako agerraldian.
Euskal emakume feminista, ezkertiar eta independentistak, atzo, Donostian egindako agerraldian. MONIKA DEL VALLE / FOKU Tamaina handiagoan ikusi

Enekoitz Esnaola -

2019ko irailak 3

Orain dela bi urte eta erdi pasa —2017ko urtarrilean—, Sara Majarenas euskal presoa artean Picassenteko espetxean zegoela (Valentzia, Herrialde Katalanak), haren bikotekide ohia bi urteko alaba Izar hiltzen saiatu zen. Joan den otsailaren 15ean, epaileak baldintzapean aske utzi zuen; fiskaltzak eta akusazio partikularrak eskatu zuten epaiketa egin bitartean espetxeratzeko, baina epaileak ekainean zioen akusatuak ez zuela ihes egiteko arriskurik. Gaur zortzi hasiko da auzipetuaren aurkako epaiketa, Valentzian; auzia bera, emakumeen aurkako «diskriminazio egoera» eta «sistema heteropatriakal honen zapalkuntza» salatzeko, 35 bat euskal emakume feminista, ezkertiar eta independentistak agerraldi bat egin dute Donostian, Kristina Enea parkean, Justizia hau ez da gurea. Sara eta Izarrekin, elkartasuna lelopean. «Sara eta Izarren eskubideak berma daitezela nahi dugu», adierazi dute. «Herri honetako Sara guztien alboan egongo gara».

Halaber, atxikimendua agertu diote datorren iganderako Donostian deituta dagoen manifestazioari —13:30, Bulebarra—.

Majarenas preso eduki zuten hamahiru urte eta erdiko kartzela zigorra osorik bete artean —ETArekin lotuta zigortu zuten—, eta Donostiako agerraldian gaitzetsi dute Espainiako Justizia sistemak «etengabe oztopoak» jartzen jarraitu zuela haren alabaren aurkako erasoa gertatu ostean. «Historikoki gure eskubideak behin eta berriro urratu dituen justizia batek erabakiko du Sara eta Izarren bizitzaz», ohartarazi dute Lur Albizuk eta Mati Iturraldek, hedabideen aurrean.

Gogorazi dute biolentzia matxistak 101 emakume hil dituela Euskal Herrian 2003tik. Baita 11 haur ere: «jakin badakigu biolentzia matxistak haurren kontrako biolentzia ere erabiltzen duela emakumeok zigortzeko». Haien esanetan, Majarenasen eta haren alabaren kasua «errealitate gordin» horren adibidea da.

Askatasuna eta burujabetza aldarrikatu dituzte. «Emakumeok libre izan nahi dugu. Burujabetza behar dugu erabakiak hartu ahal izateko. Baina ez soilik hori: euskal errepublikarako bidea bera ere feminismotik egin nahi dugu. Horregatik borrokatzen gara».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Santos Indurain kontseilaria prentaurreko batean, artxiboko irudian. ©Jesus Diges/EFE

324 kasu atzeman dituzte Hego Euskal Herrian

Berria

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Gizon bat PCR proba egiten, Donostian. ©Gorka Rubio / FOKU

Hogei milioi koronabirus kasu baino gehiago detektatu dituzte mundu osoan

Oihane Puertas Ramirez

COVID-19a 188 herrialdetara iritsi da, eta 736.000 lagun baino gehiago hil ditu.

Zahar etxe bateko egoiliarrak paseoan, artxiboko irudian. ©Marisol Ramirez/FOKU

Donostiako zahar etxe bateko egoiliar batek positibo eman du

Berria

Zahar etxe bereko bi langile ere kutsaturik daude.

Nafarroako osasun langileak PCR probak egiteko prest, artxiboko irudi batean. ©Jagoba Manterola/FOKU

Agerraldi bat detektatu dute Murillo el Fruto eta Zarrakaztelu inguruan

Berria

30 positibo atzeman dituzte; gehienak, laborarien artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna