Albistea entzun

Etorkinen kontrako polizia presioa salatu du eragile andanak Baionan

Giza eskubideak errespetatuko lituzkeen harrera politika duin bat ezartzeko eskatu diote 32 eragilek Frantziako Barne ministroari
Dozenaka herritar elkartu dira Baionako suprefetura aitzinean.
Dozenaka herritar elkartu dira Baionako suprefetura aitzinean. I. MIQUELESTORENA Tamaina handiagoan ikusi

Ekhi Erremundegi Beloki -

2018ko azaroak 24 - Baiona

Mamadou, Aziza, Nasser... izen horiek zeramatzaten pankartak eskuan elkarretaratu ziren atzo eguerdian Baionako suprefetura aitzinean dozenaka herritar, etorkinen kontrako polizia presioa indartzen ari dela salatzeko. «Ipar Euskal Herrian bizi diren etorkinak sinbolizatu nahi izan ditugu, erakusteko gure artean direla», azaldu du Amaia Fontang Etorkinekin elkarteko kideak. 32 eragile politiko, sozial eta sindikalek izenpetutako idatzi bat aurkeztu dute, Frantziako Barne ministroari helaraziko diotena

Berriki, azken urtean Hazparnen (Lapurdi) bizi ziren bi etorkin atxilotu, eta Frantziatik alde egiteko agindua eman diete; Baionatik Parisera bidean zihoan autobus bat gelditu dute Landetan, eta 19 etorkin atxilotu, eta Frantziatik alde egiteko agindua eman diete —horien artean, haurdun den emazte batek zortzi orduko ibilbidea egin du oinez Baionara itzultzeko—; Hendaia eta Irun arteko mugan ere kontrolak areagotu dituzte, «giro gaizto bat sortuz». Frantziako Poliziaren presioaren azkartzearen eragina da hori, Barne ministroari idatzi diotenen arabera.

Etorkinen «kontrako» politika hori «bereziki bihozgabea», «garestia» eta «alferrikakoa» dela salatu dute: «Haien jatorrizko herritik ihes egiteko haien bizia arriskuan eman dutenak ez ditu geldituko; etorkinak are prekarioago bilakaraziko ditu, eta pasatzaileen esku utziko ditu».

Frantziako Gobernuari eskatu diote «elkartasunaren hautua» egin dezala, eta giza eskubideetan oinarritutako harrera duin bat ezar dezala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

LAB, SAE, UGT, ELA eta CCOO sindikatuen agerraldia gaur, Iruñean. ©IÑIGO URIZ / FOKU

Hiru greba eta hamaika mobilizazio: Nafarroa, marea zuri baten atarian

Ion Orzaiz

LAB, SAE, UGT, ELA eta CCOO sindikatuek, batetik, eta Satsek, bestetik, lanuzteak antolatu dituzte datozen asteetarako. Sindikatu Medikoaren grebak bigarren eguna du gaur.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...