HIZPIDEAK

Zaintzaileak

Jakes Goikoetxea -

2019ko maiatzak 5
Greba egunak Gipuzkoako zahar etxeetan, beste behin. 2017an hasitako borroka lan baldintzak hobetzeko. 5.000 langile. Ia guzti-guztiak emakumeak. Nor bestela, zaintzaile. Zaintza lanak, sektore feminizatua eta, beraz, lan baldintza kaskarrak. Nola bestela, negozioa.

Zahar etxeetako erabiltzaileen senideek agerraldi publikoa egin dute, egoeraren aurrean duten kezka eta haserrea plazaratzeko. Izan ere, haien gertukoek jasaten dituzte zaintzaileen lan baldintza kaskarren eta grebaren ondorioak. Senideek ulertzen dituzte langileak. Nola ez ba, ezagutzen baitituzte pastel-koloreko uniformeek berdindutako pertsonak. Nork zaintzen baititu, nork goxatzen baititu, nork egiten baitie errieta, nork tratatzen baititu pertsona gisa zahar etxeetan bildutako edadetuak. Senideak Gipuzkoako Foru Aldundiari zuzendu zaizkio, egoera konpon dezan, erakundeak erantzukizun zuzena baitu zerbitzuan, lan baldintzetan eta gatazkaren konponbidean. Enpresekin egindako hitzarmenek ezin dute, ez urrundu, ez ezkutatu, Gipuzkoako Foru Aldundiaren ardura. Zerbitzua ematen duena, era batera edo bestera, erakundea baita.

Zaintzaz arduratzea ez baita zahar etxeak edota eguneko zentroak zabaltzea bakarrik. Zaintzaz arduratzea ez baita edadetuen zaintza enpresen esku uztea bakarrik, hitzarmen edo kontratu orokorren bidez. Zaintzaz arduratzea zaintzaileez arduratzea ere bai baita.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna