Albistea entzun

Burujabetzaren aldeko abagunea «baliatzera» deitu du Sortuk

Arkaitz Rodriguezek beharrezkotzat jo du «kaleko bulkada» aktibatzea subiranismoa indartzeko

Jon O. Urain -

2022ko ekainak 22

Aste eta erdi falta da Kataluniako eta Euskal Herriko eragile subiranistak Pirinioetan mobilizatzeko, eta, atzo, subiranismoaren eta independentismoaren abagune politikoaz jardun zuten Kizkitza Gil de San Vicente Sortuko ekintza politikoko arduradunak, Arkaitz Rodriguez Sortuko idazkari nagusiak eta Gorka Elejabarrieta EH Bilduko nazioarteko arduradunak, Iratzar fundazioak antolatutako solasaldi batean. Besteak beste, Rodriguezek azaldu zuen egungo testuinguruan «arrisku ikaragarriak» daudela, baina baita «aukera handiak» ere: «Pandemiak inoiz baino nabarmenago utzi ditu, batetik, burujabetzaren beharra, eta bigarrenik, indarrean den sistema ekonomiko eta sozialaren mugak eta bidegabekeriak». Hori horrela, Espainiako Gobernuan zabaldutako «aukera leihoa baliatu» beharra dagoela nabarmendu zuen.

Bide horretan, «gehiengo sozial zabalak» artikulatzea gakoa iruditzen zaio Rodriguezi: «Ezinbesteko lehengaia da egunetik egunera indartsuago izatea». Izan ere, horretarako «kaleko bulkadak» duen garrantzia azaldu zuen: «Azken urteetan, azken hamarkadetako mobilizaziorik handienak egin dira herri honetan; erabakitzeko eskubidearen defentsan, mugimendu feministaren eskutik, pentsiodunen eta langileen eskutik...».

Ildo beretik, herritarren mobilizazioan jarri zuen arreta Gil de San Vicentek: «Jendarteak du hitza, eta behartu behar ditugu alderdiak erantzunak ematera, arriskatzera, mugitzera akordioak egiteko; uztailaren 2an jendarte zibilak antolatu duen mobilizazioak ere ematen digu agentzia». Dei egin zien independentistei: «Independentzia bilakatu behar dugu gure identitate politikoaren ardatza».

Elejabarrietak nazioarteari erreparatu zion: «Gero eta argiago geratzen ari da norbere burujabetzak gero eta indar handiagoa hartzen duela; norberak daukan kapazitateak erabaki estrategikoak garatzeko». Norabide horretan, uste du ez dela kasualitatea urteotan estaturik gabeko herrietan burujabetza gehiago eta independentzia aldarrikatzen duten indarrak «gero eta indartsuagoak» izatea, eta zenbait aldagai komun antzeman ditu, irakaspen gisa erabil daitezkeenak: «Eman dira zenbait aldaketa, guretzat oso garrantzitsuak direnak. Momentu berean». Bi nabarmendu zituen: batetik, duela hogei urtetik hona, independentismoa igaro dela «aktore txiki bat zena aktore indartsuena eta gehien bozkatua» bihurtu da: Eskozian, Irlandan, Groenlandian, Flandrian, Korsikan eta Katalunian, esaterako. Bigarrena: «Gero eta gehiago, Europan horrelako gatazkak konpontzen dira erabakitzeko eskubidearen aplikazioaren bidez».

Gaineratu zuenez, «erabakitzeko eskubidearen aplikazioa normalizatzen den heinean, Espainiako eta Frantziako estatuetako agintariei gero eta zailagoa egingo zaie euskaldunok erabaki dezagun geldiaraztea». Gakoa indarra da, haren hitzetan: «Norberak daukan indarra bere herriak etorkizuna modu demokratikoan erabaki ahal izateko».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Dozenaka jende agertu zen atzo Baionako auzitegi aitzinean, auzipetuei sostengua erakustera. ©GUILLAUME FAUVEAU

Martxoaren 9an emango dute 11 'bakegileren' inguruko deliberoa

Ekhi Erremundegi Beloki

Hamar auzipeturentzat 950 euroko isuna eskatu du fiskalak, gibelapenarekin. Uztailaren 23ko protestetan autobidea blokeatzea egotzita epaitu dituzte. Ekintza justifikatu dute guziek
 ©IÑIGO URIZ / FOKU

«Gure erronka da nola lotu nazio proiektua oraingo borrokekin»

Joxerra Senar

Hiru urteko etenaldiaren ostean, Plaza Hutsa egingo du Sortuk Burlatan bihar. Militantziaren bilgune horretan, herrigintzari buruz gogoeta egin eta ildo bat ezarri nahi diete aurretik ezarritako sei eremu estrategikoei.
Iratxe Sorzabalen zauriak, 2001eko atxiloaldiaren ostean. ©Berria

Iratxe Sorzabalen kontrako zigorra berretsi du Auzitegi Gorenak, torturak ukatuta

Berria

Euskal preso horrek pairatutako torturen berri eman izanak ez du «egiaztatzen» halakorik sufritu zuenik, Gorenaren arabera.

Beatriz Artolazabal Eusko Jaurlaritzako Berdintasun, Justizia eta Gizarte Politiketako sailburua, iazko azaroan, Eusko Legebiltzarrean. ©JAIZKI FONTANEDA / FOKU

Artolazabalek otsailaren 14an utziko du sailburu postua

Mikel Elkoroberezibar Beloki

EAJren Gasteizko alkategaia izango da Artolazabal, eta kanpainaurreari heltzeko utziko du Berdintasun, Justizia eta Gizarte Politiketako sailburu postua. Esan duenez, «oso gustuko» izango luke bere ordezkoa emakume arabar bat izatea.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...