Albistea entzun

BIZKAIKO KASU BATZUK

Berria -

2019ko ekainak 11

EAJ BOZKATUENA
Durango. EAJ izan zen Durangon maiatzaren 26ko hauteskundeetako bozkatuena, zortzi hautetsi lortuta, baina EH Bilduk (zazpi) eta EP Elkarrekin Podemosek (lau) gehiengo osoa dute. PSEk bi ditu.
Galdakao. EH Bilduk (sei aulki) alkatetza lortuko du, baldin eta Auzoak (lau) eta Usansolo Herriaren (bi) babesa jasotzen badu. EAJk sei hautetsi lortu zituen, PSEk bi, eta EPk bat.
Gorliz. EAJk sei aulki ditu, EH Bilduk, lau, eta GI Gorlizek, hiru. Alkatetzan EAJk segitzea espero da.
Sopuerta. EAJk lau hautetsi ditu, EH Bilduk ere bai, eta AEI taldeak hiru. AEI egon da alkatetzan pasa den agintaldian.
Zaratamo. Hiruna ordezkari dauzkate, ordena honetan: EAJ, Gure Herria plataforma eta EH Bildu. Gure Herria egon da alkatetzan.

EH BILDU BOZKATUENA
Abadiño. EH Bilduk irabazi zituen bozak (bost aulki) Abadiñon, baina EAJk (lau) har dezake alkatetza, talde independentearen (lau) sostenguarekin. Izan ere, aurreko legealdian azkeneko biak egon dira udal gobernuan; alkatea herri plataformako kidea izan da.
Alonsotegi. Espero bezala, PSE-EEk (bat) EAJ (bost) babesten badu, alderdi jeltzaleak segituko du alkatetzan, talde bozkatuenaren kaltetan: EH Bildu (bost).
Arrigorriaga. Bost taldek lortu zituzten hautetsiak: EH Bilduk (sei), EAJk (sei), Arrigorriaga Garak (bi), PSEk (bi) eta NOAk (bat). EAJk, alkatetzan jartzeko gehiengo osoa lortzeko, PSEren babesaz gain, plataforma batena ere behar du.
Bakio. Bakio Bairen (bi) esku dago alkatetza EH Bilduk (bost) ala EAJk (lau) hartzea.
Dima. Dima Aukeratu taldeak (bi) du giltza, alkatetza EH Bilduk (lau) ala EAJk (hiru) hartzeko. Lehen agintaldia izango du DAk.
Elorrio. EH Bilduk seguru du alkatetza (sei), nahikoa baita EPk (bat) ez babestea EAJ (sei). Gainera, EPren sostengua jaso dezake.
Zaldibar. Zaldibarren ere EAJ (lau)-PSE (bi) itunagatik, jeltzaleek har lezakete alkatetza, EH Bilduren (bost) kaltetan.

BESTERIK
Balmaseda. Badirudi EAJk (bost) ez duela segituko alkatetzan, herri plataforma (sei) gailendu egin zitzaiolako, eta, gainera, EAJk ez du aski PSEren (bat) babesa. EH Bilduk hautetsi bat eskuratu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Andoni Ortuzar, goizean Bilbon eginiko ekitaldian, Sabino Aranaren irudia atzean duela. ©Aritz Loiola / FOKU

EAJ «askatasuna lortzeko tresna» dela nabarmendu du Ortuzarrek alderdiaren 126. urteurrenean

Iñaki Agirre Perez

Bilbon eginiko ekitaldian, EAJren bozak «doan» eskaini dizkio Ortuzarrek Gernikako Estatutua bete, kontzertu ekonomikoa errespetatu eta «herri honi modu askean bere patua erabakitzen» utziko dion Espainiako gobernuari.

Presoen aldeko mobilizazio bat, uztailaren 3an, Iruñean. ©IÑIGO URIZ / FOKU

Lau preso Euskal Herriratuko dituzte, eta beste bat hurbilduko dute

Gotzon Hermosilla

Foro Sozialaren ustez, iragarpenek erakusten dute «espetxe politikaren normalizazioaren bigarren faseari bete-betean» ekin zaiola

Maixabel Lasa, Juan Mari Jauregiten hilketaren 21. urteurrenean

Estatu krimenen ikerketa ez oztopatzeko eskatu dio Maixabel Lasak PSOEri

Edu Lartzanguren

ETAk hildako Juan Mari Jauregi oroitzeko ekitaldia egin dute Legorretan, hilketaren 21. urteurrenean. Jauregik «beti giza eskubideen alde» egin zuela adierazi du haren alargunak.

Alfonso Etxeberria ©Iñigo Uriz / Foku

Alfonso Etxebarria Eguesibarko alkate ohiak politika utzi du

Joxerra Senar

Nafarroako Auzitegi Nagusiko bigarren salak UPNko zinegotzi baten ordenagailuan sartu zela frogatutzat eman du,  eta Etxeberriak ez du epaia errekurrituko. Geroa Baiko zinegotzi izateari utziko dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna