Albistea entzun

«Burujabetza ekintza masibo» batera deitu dute ekainaren 4rako

Ehun mugimenduak herritarrei dei egin die mozorrotuta joateko Ficobara. Euskal errepublika eratzea premiazkotzat jo dute
Ehun mugimenduaren ekitaldia, atzo, Donostian.
Ehun mugimenduaren ekitaldia, atzo, Donostian. GORKA RUBIO/ FOKU Tamaina handiagoan ikusi

Edurne Begiristain -

2022ko maiatzak 15

Euskal errepublikaren aldeko Ehun mugimenduak «burujabetza ekintza masibo» baterako deia egin du ekainaren 4rako, Irungo (Gipuzkoa) Ficoban. Mugimenduko kideek euskal errepublikaren alde dauden herritar guztiak gonbidatu dituzte parte hartzera: 12:00etan izango da ekintza, eta bertara mozorrotuta joateko eskatu dute. Mugarri bat ezarriko dutela ohartarazi dute mugimenduko kideek: «Euskal errepublikara eraman gaitzakeen burujabetza iraultzari hasiera eman diogu».

Ehun mugimenduak egun osoko ekintza sorta prestatu zuen atzo Donostian, Burujabetza iraultzaz euskal errepublika lelopean. Goizean, David Fernandez ANCko lehendakariordearen eta Unai Apaolaza Ehuneko kidearen arteko solasaldia egon zen San Jeronimo kaleko kriptan, katalanez eta euskaraz. Eguerdian, berriz, ekitaldia egin zuten Trinitate plazan, azken hilabeteetan burujabetza «praktikara eramateko» kanpainarekin bat egin duten hainbat lagunekin batera. Han iragarri zuten ekainaren 4rako egin asmo duten ekintza jendetsua.

Mugimenduko kideek azpimarratu zuten «eguneroko arazoak» pairatzen dituzten herritarrak direla, eta arazo horiek bere horretan daudela edo okerrera doazela. Errenkadan aipatu zituzten horietako batzuk: «Etxebizitzaren prezioak ezin ordainduta, auzotik edo herritik kanpora bizitzera joan behar izan garen herritarrak gara; inposatutako mugak direla eta, Bidasoa ibaia ezkutuan gurutzatu behar dugunak; kobratzen dugun pentsioarekin neguan berogailua piztu ere ezin dugun herritarrak; lagunekin parrandan ibili eta gero, goizeko lauretan bidea pauso azkarrez eta beldurtuta egiten dugun emakumeak; euskaraz bizi nahi eta etengabe trabak besterik jasotzen ez dugun herritarrak...».

Adierazi zuten arazo horiek guztiak konpontzeko «estatu propio batek ematen dituen baliabideak» beharrezkoak direla, eta premiazkotzat jo zuten «Frantziatik eta Espainiatik ateratzea» eta euskal errepublika eraikitzea.

«Bide erreal bat»

Euren aldarrikapenak euskal errepublika eratzetik harago doazela nabarmendu zuten: «Euskal errepublikara doan bide bat ireki nahi dugu. Bide erreal bat ireki nahi dugu, bide sinesgarri bat». Izan ere, haien aburuz, Frantziarekin eta Espainiarekin aldebiko harremana izatea «ez da bide sinesgarria eta egokia», eta «horretaz jabetuta dago euskal herritarren gehiengoa ere». Azpimarratu zuten, halaber, Ficoban egin asmo duten burujabetzaren aldeko ekintzarekin hasiera emango zaiola «burujabetza iraultzari» eta bide horretan herritar oro protagonista izatea nahi dutela.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzoko ekitaldiko irudi bat. ©Falas Itusiol Famirrie

Izagirre gudariaren hezurrak jaioterrira itzuli dituzte

Edu Lartzanguren

Musika eta dantza ekitaldi batekin hartu dituzte gorpuzkiak senideek eta haren bilaketan aritutakoek, 85 urteren buruan

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.
<b>Maria Txibite idazkari nagusi izendatu zuten urrian, PSNren kongresuan.</b> ©IÑIGO URIZ/ FOKU

Beste behin PSNren eskuetan

Joxerra Senar

Nafarroako Gobernu barruko tirabirak, PSNren eta UPNren arteko gerturatzea zenbaterainokoa den, nola egituratuko den eskuina, gainerako alderdien urratsak... Legealdi amaierako giltzarriak aletu dituzte Ricardo Feliu NUPeko soziologoak eta Juan Kruz Lakasta Euskalerria Irratiko koordinatzaileak.

Gorka Urtaran, Gasteizko alkate izendatu berritan, Miren Etxebarriarekin (PSE-EE) batera. ©ENDIKA PORTILLO / FOKU

Abertzaleen indarrak neurtzeko plaza

Edurne Begiristain

Arabak aspaldi utzi zion PPren gotorleku izateari. Alderdi abertzaleen eragina sendotuz doa lurralde horretan, eta EAJren eta EH Bilduren artean lehia «estuagoa» espero da 2023. urterako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...