Albistea entzun

LAUHAZKA

Salda gizentzen

Euskal Herriko V. Jardunaldi Feministak, Durangoko Landako gunean.
Euskal Herriko V. Jardunaldi Feministak, Durangoko Landako gunean. JON URBE / FOKU Tamaina handiagoan ikusi

Nerea Fillat -

2019ko azaroak 3

1. OLATU BAINOAGO, UHOLDE

Ikusi ditugu Durangoko (Bizkaia) Landako guneko argazkiak. Liburu eta disko azokako ohiko irudiekin alderatuta, masa bat ageri da bertan. Hiru mila emakume. Itzela eta hunkigarria dela esan genezake, botere irudi bat ere ez balitz. Durangok olatu bat jaso baino gehiago, uholdea sentitu zuen haren kaleetan Euskal Herriko jardunaldi feministak hasi ziren egunean.


Gainezka egitea lortu dugu, bai ikuskizunetan, bai tailerretan, bai eztabaidetan. Esparru informalak nonahi agertu dira, abagunearen potentziaren seinale. Egunotan Durango topaleku izan da, sareak bultzatzeko, aliantza berriak sortzeko eta kide berriak ezagutzeko momentu ezin hobea, politika gorputzen elkarlana dela agerian utziz, eta ez sare sozialetako jarraitzaleen ondorio. Bulkada aberasgarria bizi dugu ordu hauetan.

Egunetako kronikak, txioak eta irudiak eskuragarri daude hamaika hedabidetan eta sareetan. Bakoitzak jardunaldien inguruan bizi izandako kontakizun eta esperientziak mataza bihurtzea izanen da hurrengo asteetako lan garrantzitsuena. Durangon jasotakoa antolakuntza, harreman berrien bide, galdera eta ekintza politiko bihurtzeko.

2. BAZTERREKOAK, ERDIRA

Hilabeteetako lana egin dute kolektibo ezberdinek topaketak antolatzeko; jorratu beharreko eztabaidak pentsatzen, erabakitzen eta forma ematen aritu dira, ildoa ordenatzeko. Bi abiapuntu politiko izan dira ardatz: euskararen erabilpenari garrantzia ematea eta «bazterreko» (edo feminismoan nagusi izan ez diren) subjektu eta diskurtsoak erdigunean jartzea. Abiapuntu horiek jardunaldien intentzioaren adierazle dira. Eta lehen egunean agerian gelditu zen hori.

3. EUSKAL HERRIKO FEMINISMOAK

Lehen arratsaldean egindako dekolonitatearen mahaiak ez zuen inor epel utzi. Ezinegona, urduritasuna, deserosotasuna sentitu ziren eztabaidaren azken momentuetan. Subjektu arrazializatuak eta Mendebaldeko feminismoak dekolonialitatearen inguruan egin beharreko lanak mahai gainean jarri ziren. Bi momentutan sentitu zen eztanda: batetik, mahaian emakume ez-arrazializatu bat egoteak arrazializatuak zirenentzat esparru ez-segurua sortu izana leporatzeak; eta bigarrenik, publikotik egindako galdera batean Euskal Herriak jasaten duen zapalkuntza, kolonialismoa jasan zuten herrialdeenaren pareko izan zitekeela adierazteak.

Horren bueltan, Euskal Herriko enpresek gainontzeko herrialdeetan egiten duten ustiapen eta esplotazioa, gurean dauden arma fabriken ondorio hiltzaileak, feminismoaren zuritasuna, Mendebaldeko feminismoak dekolonialitatearen inguruan egin beharreko lana eta momentu horretan Landakon zeuden emakume arrazializatuen kopurua salatzearen inguruan agertu zen tirabira. Gordin eta hotz. Txaloak, oihuak, isiltasun eta zurrumurruak. Inor ez zen berdin joan hortik.

4. SALDA GIZENTZEN

Atzoko eztabaidan, mahai gainean klase ertaineko feminismo euskaldun zuriaren mugak jarri zirela sentitu nuen. Horregatik, denok zeharkatu gintuen eztabaidak; horregatik, haserrea, ezinegona eta urduritasuna agertu ziren. Kolektibo ezberdinetako emakume arrazializatuak oso gogorrak izan ziren haien diskurtsoetan eta zilegitasun handia adierazi zuten (nahiz eta batzuen formak agian ez izan hoberenak).

Orain, galderak geurean daude. Posible al da feminismo eraginkor bat sortzea klase ertainak eta zuritasunak dituen pribilegioak mantentzen baditu? Posible al da eztabaida hau euskaraz gertatzea?

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Kokein taldeak 'Atomika' diskoa aurkeztuko du bihar, zuzenean, Ahotsenean. ©Galder Izagirre

Bihar, kontzertu atomikoak 'Uda betea'-n

Berria

Etenik gabe, goizeko 11:00etatik gauera, liburuak eta diskoak bata bestearen atzetik aurkeztuko dituzte Ahotsenean.

Oier Guillan, Agurtzane Solaberrieta eta Haritz Azurmendi ©Jakin

Idoia Beratarbide eta Oier Guillan dira Joan Mari Torrealdai ikerketa bekaren irabazleak

Isabel Jaurena

'Artxibo biluzia' saritu dute, Torrealdairen artxiboen lapurreta abiapuntu duen proiektua.

Martxan da Durangoko 57. Azoka

Aurten bai: ohiko irudiak ikusi dira Durangoko Azokaren lehen egunean

Paulo Ostolaza

Goizean ireki ditu ateak Landako guneak, eta ikasleak izan dira protagonista han. Arratsaldean egin dute irekiera ekitaldia, Barrexerka antzerki taldearen eskutik.

Langileak Durangoko Landako guneko salamahaietako bat prestatzen, atzo. ©MARISOL RAMIREZ / FOKU

Eztanda baten esperantzan

Iñigo Astiz

Gaur hasiko da Durangoko 57. Azoka, eta, azken bi urteetako gorabeheren ondoren, pandemia aurreko itxura berreskuratzeko erronka izango du aurrez aurre igandera bitarte. Musikaren euskarri fisikoen krisiak eta prezioen igoerak eragindako ziurgabetasunari ere erantzun beharko dio.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.