Albistea entzun

Mugak deuseztatzeko eskatu dute dozenaka herritarrek Bilbon

Migrazio politiken ondoriorik latzenak emakumeek pairatzen dituztela salatu dute. Kometak aireratu dituzte askatasuna irudikatzeko
Herritarrak kometak eskuan dituztela, atzo, Bilbon.
Herritarrak kometak eskuan dituztela, atzo, Bilbon. OSKAR MATXIN EDESA/FOKU Tamaina handiagoan ikusi

Ainhoa Larretxea Agirre -

2021eko ekainak 6

Mugak kentzea. Aldarri hori atera zuten karrikara dozenaka pertsonak atzo Bilbon. Ongi Etorri Errefuxiatuak taldeak eta hainbat elkarte feministak deitu zuten mobilizaziora, Nizan (Frantzia) antolatutako topaketa feministekin bat. Europako migrazio politika «bortitzak» salatu zituzten, eta nabarmendu zuten emakumeek eta LGTBIQ+ kolektiboko kideek pairatzen duten indarkeria «bikoitza» dela.

Emakumeengan paratu zuten fokua; izan ere, Europako migratzaileen %54 dira andreak. Nabarmendu zuten Europak 2015ean mugak «itxi» zituenetik andreek pairatzen dituztela politika «mafioso» eta indarkeria eta abusu gehien. «Bazterkeriaren mugak» gainditzeko eskatu zuten: «Gizon armatuek zaindutako alanbre arantzadunez betetzen direnak, emakumeen gorputzekin eta lanekin trafikatzen dutenak, egunero hiltzen diren itsasoen mugak, giza eskubideak defendatzen dituztenen aurkako jazarpena egiten duten mugak».

Kometak aireratu zituzten. «Kometak mugarik ez dagoela aldarrikatzeko, kometak mugitzen, askatzen, asmatzen eta sortzen diren emakumeen hegaldia eta zeharkaldiak irudikatzeko». Aireratutako kometetan mezuak sartu zituzten, bidearen zailtasunei, oztopoei, baina, batez ere, bizitza duin bat eraikitzeko nahiari buruzkoak.«Mundu asko sartzen diren mundu bat nahi dugu. Mundua aldatu nahi dugu geure burua askatuz», aldarrikatu zuten, eta «esplotatzen, zatitzen eta kanporatzen» dituzten mugak deuseztatzeko eskatu zuten.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Zenbait herritar Iruñeko txertaketa gunean, Nafarroako Unibertsitate Publikoko kiroldegian. ©JESUS DIGES / EFE

Hego Euskal Herriko biztanleen %35ek osatua dute txertaketa pauta

Uxue Rey Gorraiz - Oihana Teyseyre Koskarat

Osakidetza datorren astean hasiko da 40 urtetik beherakoak txertatzen. Hegoaldeko herritarrak Iparraldean txertatzeko irizpideak lauso dira

Euskararen erabilera %7 eta %52 artekoa da EHUko eremu ez-formaletan

Erredakzioa

Soziolinguistika Klusterrak hamazazpi fakultatetan euskara zenbat erabiltzen den behatu du, Euskara Errektoreordetzak eskatuta
Claudia Venceslao eta Luis Maria Salgado, atzo, agerraldian. ©ENDIKA PORTILLO / FOKU

EH Bilduk arau bat ondu du egoitza pribatuetako baldintzak «duintzeko»

Edurne Begiristain

Arabako egoitza zentroak ituntzeko proposamena landu du. Eragile eta sindikatuei aurkeztuko die zirriborroa, irailean erregistratu aurretik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna