Maiak irabazi du Tolosako saioa, eta osatuta geratu da finalerako taldea

Maia, Laburu, Gaztelumendi, Martin, Labaka, Iguaran, Lizaso eta Elustondo ariko dira Gipuzkoako Bertsolari Txapelketako finalean
Jon Maia, igandeko saioan, puntuazioa jakin ostean.
Jon Maia, igandeko saioan, puntuazioa jakin ostean. GORKA RUBIO / FOKU

Erredakzioa -

2019ko abenduak 3
Igandean jokatu zen Gipuzkoako 2019ko Bertsolari Txapelketako azken finalaurrekoa, Tolosako Usabal kiroldegian. Jon Maia Soriak irabazi zuen saioa, 494,5 puntu eskuratuta, eta ondotik geratu ziren Oihana Iguaran Barandiaran (471), Beñat Lizaso Alberdi (469,5), Jokin Uranga Isuskiza (456,5), Iban Urdangarin Lardizabal (444) eta Haritz Mujika Lasa (432).

Tolosako saioa irabazi ostean, finalerako zuzenean sailkatu da Maia. Halaxe sailkatu dira, orobat, Agin Laburu Rezola eta Beñat Gaztelumendi Arandia, hurrenez hurren, Arrasaten eta Oiartzunen jokatutako finalaurrekoetatik. Puntuazioz sailkatu dira, bestalde, Alaia Martin Etxebeste, Ane Labaka Maioz, Oihana Iguaran Barandiaran, Beñat Lizaso Alberdi eta Nerea Elustondo Plazaola. Zortzi bertsolari horiek osatuko dute, bada, finalean kantuan ariko den taldea.

Finala, abenduaren 14an

Bi aste barru jokatu da txapelketako finala, abenduaren 14an, Donostiako Illunben, 17:00etan abiatuta. Sarrerak bertsosarrerak.eus webgunean dira salgai.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna