Koronabirusa. Haritz Alberdi. Getariako alkatea

«Maskararena arautu dadila eskatzen dut»

Koronabirusaren agerraldiak izaten ari dira herriz herri egunotan; azkena, Getarian. Erakundeen arteko lankidetza eta baliabide gehiago eskatu ditu Haritz Alberdi alkateak.
UROLA KOSTAKO HITZA Tamaina handiagoan ikusi

Maider Galardi F. Agirre -

2020ko uztailak 15

Asteburutik hona, gora egin dute Getariako (Gipuzkoa) koronabirus kasuek. Gaur, 09:00etatik aurrera PCR testak egingo dizkiete Politena tabernan ibilitakoei. Osasun Sailarekin koordinazioan ari da azken egunotan Haritz Alberdi alkatea.

Badirudi koronabirusaren agerraldi bat dagoela Getarian. Nola daude herritarrak?

Herria arduraz jokatzen ari da. Badago kezka, baina jarrera aktibo eta arduratsua ere bai.

Herenegun salatu zenuen udalak ez zuela informazio osatua. Zein da orain koronabirusaren egoera Getarian, eta zein-nolako harremana duzue Eusko Jaurlaritzako Osasun Sailarekin?

PCR probak egiten ari dira, eta, oraingoz, herrian lau positibo ditugu. Osasun Sailarekin hitz egin dugu, eta erabaki da gaurtik aurrera PCR testak egingo dizkiegula kiroldegian asteburutik hona Politena tabernatik pasatutakoei.

Eta fokuak jatorria non duen badakizue?

Ez digute ezer esan, eta ez dute loturarik egin.

Uste duzu nahikoa koordinazio baduzuela erakundeen artean?

Azken orduetan hobetu da harremana, eta hainbat departamendutatik deitu digute datozen urratsak zein izango diren jakinarazteko eta elkarren arteko harremana indartzeko.

Oraindik ez da arautu maskararen derrigorrezko erabilera, baina herri batzuetan esaten ari dira neurriak hartuko dituztela. Adibidez, Azpeitian, jende pilaketak daudelako.

Kezka hori lehenago ere bagenuen. Esan genuen pilaketak zeudela, eta ikusita horrek segitzen zuela, saiatu gara kontzientziazio lana egiten: maskarak banatu, afixak jarri... Baina urrats bat harago egin behar dugu, eta, beharrezkoa da erakunde guztiak norabide berean jartzea: maskararen erabilera arautu behar da. Hori ari gara etengabe aldarrikatzen, herriok ditugun baliabideak oso mugatuak direlako.

Eudelek hala iradoki du, eta zeu ere eskatzen ari zara Eusko Jaurlaritzak derrigortu dezala maskarak erabiltzea, ezta?

Adituek diote higienea eta distantzia soziala mantendu behar direla, eta, hala ezin denean, maskara erabiltzea gomendatzen dute. Getarian, den moduko herria izateagatik, jende pilaketak ditugu. Beraz, horixe eskatzen dut: ezartzea maskararen erabilera ohikoa, behingoz.

Udalak agindu dezake hori, Jaurlaritzari itxaron gabe?

Guk lankidetza nahi dugu, bitarteko mugatuak ditugulako. Gu dendariekin eta ostalariekin elkartu gara, eta erabaki batzuk hartu. Adibidez, tabernetan eta dendetan sartzean derrigorrezkoa da, eta bi kale nagusietan erabiltzea aholkatu dugu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako karrikak hutsik, atzo, etxeratze agindua dela eta. ©GUILLAUME FAUVEAU

«Lanean ari bazara, argiki izorratua zara»

Joana Ibargarai Leritza

Jean Castex Frantziako lehen ministroak ostegunean iragarri bezala, Ipar Euskal Herrian etxeratze agindua 18:00etatik 06:00ak artekoa da orain, eta atzo izan zen neurria aplikatu beharreko lehen eguna.

Osasun langile bat antigenoen proba bat egiten. ©Gorka Rubio / Foku

Positibo gutxiago atzeman dituzten arren, tasa %7 da Hegoaldean

Berria

834 pertsonak eman dute positibo COVID-19a detektatzeko proban, bezperan baino ia 200 gutxiagok. Gero eta paziente gehiago daude ZIUetan.

Koronabirusaren kontrako txertoa. ©Guillaume Fauveau

Urkulluk dio «onartezina» dela txerto gutxiago jaso izana

Berria

Indurainek esan du Nafarroak «erreserba estrategikoa» duela datorren astean txertaketarekin segitu ahal izateko

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna