Albistea entzun

JIRA

Diskrezioa

Angel Erro -

2021eko maiatzak 9

Baina ez ginen adostua pertsonala ere politikoa dela? Euskal Herri honek diskrezioaren alde hartu izan duen postura eskapismoa iruditu zait beti, hipokrisia orokorra mantentzeko ahalegina. Bill Gates eta Melinda emazteak banandu behar dutelakoa nekez hartu daiteke kontu pribatutzat, batzuek notizia zabaltzean saiatu bezala; munduko fundazio pribatu handiena bion izenean egoteak hor behar du zeresana.

Gurera etorrita, aurrekoan enteratu nintzen bi euskal politikari punta-puntakoak senar-emazteak direla, inguruan komentatu eta inork ez zekien zipitzik ere. Euskal Herriko botere harreman intelektual eta politikoak ez ditugu guztiz eta sakonki ulertuko prentsa arrosa serioski jorratzen hasi arte.

Saiakera batzuk egin ditugu. Entseatu gara, baina flakoki, hurbiltzen gara, baina ez aski. Joseba Sarrionandia Euskal Herrira etorri eta hor egon da bisita pribatua publiko eta nazional bihurtzeko ahalegintxoa, ez nahikoa, nik dakidala, inongo egunkarik ez duelako paparazzirik bidali Iurretara edo bertaraino hainbatek eginen zituzten peregrinazioak inork ez ditu dokumentatu. Iñigo Urkulluren begi operazioa ere iraizean pasatu da, begi poltsarik gabeko lehendakari bat edukitzeak politikoki ekar dezakeenari ezikusia eginez.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.