Albistea entzun

AHTaren kudeaketan «norabidea aldatzeko» eskatu dio EH Bilduk Jaurlaritzari

Dirua politika publikoetan inbertitzeko eskatu dio. Arriola sailburuak adierazi du Eusko Jaurlaritza «guztiz» konprometitua dagoela AHTarekin
AHTaren Ezkio-Itsasoko geltokiaren eraikuntza lanak.
AHTaren Ezkio-Itsasoko geltokiaren eraikuntza lanak. GOTZON ARANBURU / FOKU Tamaina handiagoan ikusi

Iñaut Matauko Rada -

2022ko urriak 15

Iñaki Arriola Lurralde Plangintza, Etxebizitza eta Garraio sailburuari mintzatu zitzaion atzo EH Bildu Eusko Legebiltzarreko osoko bilkuran, eta euskal Y-aren kanpoko loturen egoerari buruz galdetu zioten. Izan ere, Unai Fernandez de Betoño EH Bilduko legebiltzarkideak adierazi zuen Araba, Bizkai eta Gipuzkoako AHTa «irla bat» izango dela, «kolokan» baitaude Ipar Euskal Herriarekin, Santanderrekin (Espainia), Burgosekin (Espainia) eta Nafarroarekin egitekoak ziren loturak. EH Bilduko eledunak Eusko Jaurlaritzari eta Arriolari eskatu zien oraindik eraiki gabe dauden AHTaren zatietan —Miranda Ebro (Espainia)-Gasteiz-Altsasu, adibidez— plataforma berriak egin beharrean, egun dauden instalazioak modernizatzeko eta AHTra moldatzeko: «Uste dugu garaia dela lotura horietan milioiak eta milioiak xahutu ordez, inbertsio politika publikoen norabide aldaketa indartsu bat egiteko».

Fernandez de Betoñoren arabera, Ipar eta Hego Euskal Herriaren arteko lotura ez da lehentasun bat Frantziako Estatuarentzat, eta nabarmendu zuen plataforma berria egin beharrean Bordele-Hendaia zatia modernizatzeko hautua egingo duela. Horri erantzunez, Arriolak adierazi zuen jakina dela Frantziako Estatuak «inplikazio falta» duela AHTari dagokionez, eta horrek Europako Batasuna «kezkatzen» duela gehitu zuen. Hala ere, EBrentzat Madril-Gasteiz-Paris trenbidea «estrategikoa» dela esan zuen sailburuak.

Fernandez de Betoñok AHTaren lanen eta denbora tarteen inguruan ere hitz egin zuen, eta «gezurretan» ibiltzea egotzi zion Jaurlaritzari: «Beste atzerapen baten berri izan dugu egunotan. Arriola sailburuak hemen bertan, duela urte bat, esan zuen 2026 amaieran edo 2027 hasieran amaituko zirela lanak, baina Espainiako ordezkariak esan digu 2028an bukatuko direla, ondo bidean». Hori horrela, Arriolak Fernandez de Betoñori gogorarazi zion AHTa «interes orokorreko azpiegitura» bat dela, eta, beraz, Espainiako Gobernuaren esku dagoela, ez Eusko Jaurlaritzaren esku. «Konplexutasun handiko» lanak direla ere esan zion sailburuak EH Bilduko legebiltzarkideari, eta koalizio abertzaleari leporatu zion AHTarekin «obsesionatuta» egotea.

Arriolak adierazi zuen Eusko Jaurlaritza «guztiz» konprometituta dagoela AHTaren lanekin, eta hainbat lan egoki egiten ari direla, Atotxako geltokiko lanak eta Hernani-Astigarraga (Gipuzkoa) zatiko lanak, esate baterako.

Urkulluren erantzuna

Carlos Iturgaiz PPko legebiltzarkideak AHTaren lanen azken atzerapenen zergatiei buruz galdetu zion atzo Iñigo Urkullu Eusko Jaurlaritzako lehendakariari. Urkulluk adierazi zuen Espainiako Gobernuarekin negoziatzean Eusko Jaurlaritzak beti lehenetsi izan dituela AHTaren inbertsioak, kudeaketa bere gain hartuz eta lanak «dagokionean eta dagokion forman» eginez.

Iturgaizek Eusko Jaurlaritza eta Espainiako Gobernua kritikatu zituen lanen atzerapenengatik, eta «errekorrak hausten» ari direla egotzi zien. Urkulluk erantzun zion lanen atzerapen gehienak Madrilen PPk gobernatzen zuen garaian gertatuak direla.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz - Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu dizkiote.

Agustin Agirre. / ©Goiena Komunikazio Taldea

Agustin Agirre izendatuko dute Donostialdeko ESIko jarduneko zuzendari

Jon O. Urain

Osakidetzako zuzendaritzak ostiralean kendu zuen kargutik Itziar Perez. Elkarrekin Podemos-IUk Gotzone Sagarduiren agerraldia eskatu du Eusko Legebiltzarrean.

Emakumeen presentzia handiagoa da osasun gaiekin lotutako informazioetan ©Marisol Ramirez / FOKU

Osasunari buruzko piezetan BERRIAk berdintasunaren alde egiten duela dio ikerketa batek

Isabel Jaurena

Eneko Fernandez Artigasek eta Itxaso Fernandez Astobizak egindako ikerketa batek neurtu du emakumeek zein presentzia duten Arabako, Bizkaiko eta Gipuzkoako egunkari nagusietan argitaratutako osasunaren inguruko artikuluetan.

LABek Bilbon egindako agerraldia. ©BERRIA

Lanbide Heziketan irakasle euskaldunak nahi ditu LABek

Gotzon Hermosilla

Helegitea aurkeztu du EAEko Lanbide Heziketako irakasle teknikoen kontsolidaziorako meritu lehiaketan

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.